Qazaqstanda Ulttyq biryńǵai testileý ótkizý tártibine ózgeris engizildi. Endi testileýge tirkelip, biraq emtihanǵa kele almaǵan talapkerler UBT-ny keiingi kúnderdiń birinde tapsyra alady. Mundai múmkindik bos oryn bolsa jáne dáleldi sebep bolǵan jaǵdaida beriledi. Tiisti buiryqqa ǵylym jáne joǵary bilim ministri Saiasat Nurbek qol qoidy, dep habarlaidy Dalanews.kz.
Mundai sebepter qataryna aýrý nemese aýrýhanaǵa jatqyzylý, jaqyn týysy qaitys bolýy, respýblikalyq ne halyqaralyq olimpiadalar men jarystarǵa qatysý, sondai-aq, tótenshe jaǵdailar jatady. Mundai jaǵdaida Ulttyq testileý ortalyǵynyń direktoryna ótinish jazyp, rastaityn qujat tapsyrý qajet.
Qujatta testileýge tirkelý merzimderi de kórsetilgen. Ótinishti onlain túrde 20-30 jeltoqsan, 15-25 aqpan, 10-25 sáýir jáne 25 shilde-5 tamyz aralyǵynda berýge bolady. Tirkelý kezinde talapker testileý ornyn, kúnin jáne ýaqytyn ózi tańdaidy.
Sonymen qatar, apelliatsiia berý tártibi de naqtylandy. Testileý aiaqtalǵan soń ekranda jaýap nusqalary men jinalǵan upai kórsetiledi. Nátijemen tanysýǵa 10 minýt beriledi. Apelliatsiiaǵa ótinishti test aiaqtalǵannan keiin 30 minýt ishinde tapsyrýǵa bolady, al onyń nátijesi 30 jumys kúni ishinde jariialanady.
Budan bólek, "Himiialyq injeneriia jáne protsester" bilim berý baǵdarlamasyna túsý úshin beiindi pánder kombinatsiiasy ózgerdi. Endi talapkerler himiia jáne fizika nemese biologiia pánderin tapsyrady. Testileý qurylymy ózgermeidi: talapkerler Qazaqstan tarihy, matematikalyq saýattylyq, oqý saýattylyǵy jáne eki beiindi pán boiynsha test tapsyrady.
