2025 jyldan bastap Qazaqstanda jańa turǵyn úi naryǵyndaǵy erejeler ózgeredi. Parlament úlestik qurylysqa baqylaýdy kúsheitetin zańdy qabyldady, dep habarlaidy Dalanews.kz.
Zańǵa qol qoiylǵannan keiin ne ózgeredi:
- Qurylysqa ruqsat alynǵanǵa deiin páterler men kommertsiialyq úi-jailardy aldyn ala satyp alý-satý sharttaryn jasaýǵa tyiym salynady;
- Eger qurylys salýshynyń úleskerlerden aqsha tartýǵa quqyǵy bolmasa, jańa qurylys nysandaryn jarnamalaýǵa bolmaidy;
- Ákimdikter qurylysqa aqsha kimnen jáne qalai jinalyp jatqanyn baqylap otyrady;
- Ruqsatsyz turǵyn úilerdegi páterlerge ipoteka rásimdeýge tyiym salynady;
- Barlyq esep aiyrysý tek qolma-qol emes jolmen júrgiziledi – kóleńkeli shemalardy boldyrmaý úshin;
- Qurylysty aiaqtaý merzimin uzartý ýaqyty qysqarady – buryn 9 ai bolsa, endi eń kóbi 5 ai ǵana.
Sondai-aq yntalandyrý sharalary engiziledi: úidiń qańqasy turǵyzylǵannan keiin qurylys salýshylarǵa qoiylatyn talaptar jeńildetiledi, akimattyń ruqsatyn alǵan soń úleskerlerdiń aqshasyn birden paidalanýǵa múmkindik beriledi, qurylys salýshynyń jarǵylyq kapitalyna qoiylatyn talap 15 paiyzdan 10 paiyzǵa deiin tómendetiledi.
Úleskerlerdi qoldaý ortalyǵy qurylýy josparlanyp otyr – bul zań jobalarynyń zańdylyǵyna jáne salymdardyń qaýipsizdigine qatysty aqparat beretin konsýltativtik organ bolady.
Buryn kelisim úlesker men qurylys salýshy arasynda jasalatyn bolsa, endi olarǵa bank-agent pen arnaiy jobalyq kompaniia qosylady. Osylaisha, Krisha.kz málimetinshe, mámile tórt taraptyń qatysýymen jasalady. Bul rette qurylys salýshy úlestik qurylysqa ózi tikelei qatyspaidy, jobany iske asyratyn jeke jobalyq kompaniia qurady.
«Turǵyn úi qurylysyndaǵy úlestik qatysý, avtojoldar jáne múgedektigi bar adamdardy tasymaldaý qyzmetterin kórsetý máseleleri týraly» zań áli tolyq qabyldanǵan joq. Ony qabyldaý úshin Prezidenttiń qol qoiýy qajet.
