Qaraǵandy oblysynda AQSh prezidenti Donald Tramptyń uldary Donald Tramp kishi men Erik Tramptyń investitsiialaryna bailanysty "Soltústik Qatpar" jobasyn júzege asyrý bastaldy, dep habarlaidy dalanews.kz.
Óńir ákimdigi málimetinshe, ken ornynda daiyndyq jumystary ekinshi ai qatarynan jalǵasyp jatyr. Qazir óndiristik alańdar jasaqtalyp, kirme joldar men dalalyq infraqurylym nysandarynyń qurylysy júrgizilip jatyr. Geodeziialyq jumystar da qatar atqarylyp jatyr.
Sonymen birge, jobanyń túpkilikti tehnikalyq-ekonomikalyq negizdemesi ázirlenip jatyr. Ony 2027 jyldyń sońyna deiin aiaqtaý kózdelgen.
Cove Kaz Capital Group kompaniiasynyń bas direktory Dominik Hiton investor aldyna qoiylǵan mindetterdiń aýqymyna toqtaldy. "Taý-Ken Samuryq" UTK" AQ investitsiialar jáne strategiia jónindegi bas direktory Daniiar Ydyrysovtyń aitýynsha, seriktester ken óndirýden bastap, metallýrgiialyq qaita óńdeýge jáne qosylǵan quny joǵary volfram ónimderin shyǵarýǵa deiingi tolyq óndiristik tsikldi qalyptastyrýdy kózdep otyr.
Eki ken ornyn igerýge jáne taý-ken óndirisi men qaita óńdeý infraqurylymyn qurýǵa salynatyn investitsiianyń jalpy kólemi shamamen 1,1 mlrd dollar dep baǵalanyp otyr.
Eki ken orny jylyna shamamen 12 myń tonna volfram ónimin óndire alady. Bul qazirgi álemdik volfram óndirisiniń shamamen 15 paiyzyna teń.
Joba aiasynda kendi óndirip, baiytyp qana qoimai, ony Qazaqstan aýmaǵynda tereń óńdeý kózdelip otyr. Negizgi qurylys jumystary 2028 jyly bastalýy múmkin. Al nysandy iske qosý-baptaý jumystary 2029 jylǵa josparlanǵan.
Eske salaiyq, buǵan deiin Tramptyń uldary Qazaqstanda volfram óndiretin kompaniianyń úleskeri atanǵany habarlandy.
