Memleket basshysy Ulttyq qaýipsizdik komitetiniń tóraǵasy Ermek Saǵymbaevty qabyldady, - dep habarlaidy Dalanews.kz.
Ermek Saǵymbaev vedomstvonyń jyl basynan beri atqarǵan jumysynyń negizgi qorytyndylary jáne aldaǵy kezeńge arnalǵan mindetteri týraly esep berdi.
UQK tóraǵasynyń baiandamasynan:
– ulttyq qaýipsizdik organdary 4 terroristik aktiniń aldyn alǵan. Terrorizm men ekstremizmge qatysy bar 84 adam sottalǵan, 44 adam ustalǵan;
– lańkestik sipattaǵy qylmys jasady degen kúdikpen izdeýde júrgen qazaqstandyq 6 azamat Siriia men Túrkiiadan ekstraditsiialanyp, olardyń ekeýi sottalǵan;
– terrorizm men ekstremizmge qatysy bar 824 sheteldiktiń Qazaqstanǵa kirýine jol berilmegen; – Ishki ister ministrligimen birge 19 uiymdasqan qylmystyq top áshkerelengen, 60 adam qamaýǵa alynǵan;
– zańsyz ainalymdaǵy 505 atys qarýy, 5 qoldan jasalǵan jarylǵysh qurylǵy, 45 jarylǵysh toptama jáne 15 046 oq-dári tárkilengen; – esirtki óndiretin 33 zerthana, ony tasymaldaityn 35 halyqaralyq jáne 31 óńirlik arna joiylǵan;
– 3,2 tonna esirtki quraldary jáne psihotroptyq zattar, 4,5 tonna kóknár shikizaty, 18,8 tonna prekýrsorlar tárkilengen;
– esirtki quraldary men psihotroptyq zattardyń zańsyz ainalymyna qatysy bar 162 adam sottalǵan;
– ekonomikalyq qaýipsizdikti qamtamasyz etý jáne sybailas jemqorlyqqa qarsy is-qimyl aiasynda 1,6 trillion teńgeden astam kólemde memleketke keltiriletin zalalǵa tosqaýyl qoiylyp, biýdjetke 315 milliard teńge ótelgen. Sybailas jemqorlyq áreket jasaǵany úshin 46 adam sottalǵan;
– memlekettik shekarada 55 myńǵa jýyq quqyq buzýshy ustaldy, qarý men oq-dárini, esirtki men basqa da tyiym salynǵan zattardy tasymaldaýdyń 1300-den asa áreketiniń joly kesilgen;
– shekara arqyly 18 milliard teńge kóleminde valiýta men quny 66 milliard teńge bolatyn taýarlardy zańsyz ótkizýge jol berilmegen. Zańsyz kóshi-qonnyń 20 arnasy toqtatylǵan;
– memlekettik organdardyń aqparattyq júielerine 552 millionnan astam kibershabýyldy jáne 6 myń DDoS-shabýyldy toitarǵan.
