A.Baitursynuly atyndaǵy «Qostanai» halyqaralyq áýejaiy aktsiialarynyń 49 paiyzyn elektron saýda arqyly satý josparlanyp otyr.
Áýejai Qostanai oblysy ákimdiginiń Qarjy basqarmasynyń ieliginde. Basqarma ornalastyrylǵan 733,9 myń aktsiianyń 359,6 myńyn saýdaǵa qoiǵan.
Aýktsion elektron tender túrinde ótedi. Bastapqy baǵa — 4,7 mlrd teńge. Bul baǵany biylǵy 5 aqpanda «Nezavisimaia ekspertnaia otsenka» JShS 49% úlestiń quny dep baǵalaǵan. Al áýejaidyń naryqtaǵy jalpy quny 9,6 mlrd teńgege baǵalanypty.
A.Baitursynuly atyndaǵy «Qostanai» halyqaralyq áýejaiy AQ 1997 jyly tirkelgen. 2013 jyly áýejaidyń aktsiialary kommýnaldyq menshikten túgeldei respýblika menshigine ótken. Al 2014 jyly Airport Management Group JShS senimgerlik basqarýyna tapsyrylǵan. Osydan 6 jyl buryn, 2018 jyly áýejaidy satpaq bolǵanymen, ol kezde alatyn eshkim bolmai, saýda ótpei qalǵan edi.
