Kárim Másimov isi aiasynda tárkilengen samýrai qylyshy aýktsion arqyly satyldy, dep habarlaidy dalanews.kz.
UQK-niń burynǵy tóraǵasyna tiesili bolǵan bul buiym buǵan deiin de birneshe márte saýdaǵa shyǵarylǵan. Alaida jeńimpazdar anyqtalǵanymen, mámileler túrli sebeppen kúshin joiyp otyrǵan.
Bul joly bastapqy baǵasy 379 myń teńge bolǵan qylysh saýda qorytyndysynda 1 586 954 teńgege ótti.
Lot sipattamasyna sáikes, qylyshtyń júzi bolattan jasalyp, boiymen ózine tán taiaz oiyq júrgizilgen. Qynaby qara tústi materialdan ázirlengen, al saby sur metaldan jasalyp, bederli geometriialyq órnekpen ásemdelgen.
Baǵalaý qorytyndysy boiynsha, samýrai qylyshynyń quny 542 719 teńge dep belgilengen.
