ا.بايتۇرسىنۇلى اتىنداعى «قوستاناي» حالىقارالىق ەۋەجايى اكتسييالارىنىڭ 49 پايىزىن ەلەكترون ساۋدا ارقىلى ساتۋ جوسپارلانىپ وتىر.
ەۋەجاي قوستاناي وبلىسى ەكٸمدٸگٸنٸڭ قارجى باسقارماسىنىڭ يەلٸگٸندە. باسقارما ورنالاستىرىلعان 733,9 مىڭ اكتسييانىڭ 359,6 مىڭىن ساۋداعا قويعان.
اۋكتسيون ەلەكترون تەندەر تٷرٸندە ٶتەدٸ. باستاپقى باعا — 4,7 ملرد تەڭگە. بۇل باعانى بيىلعى 5 اقپاندا «نەزاۆيسيمايا ەكسپەرتنايا وتسەنكا» جشس 49% ٷلەستٸڭ قۇنى دەپ باعالاعان. ال ەۋەجايدىڭ نارىقتاعى جالپى قۇنى 9,6 ملرد تەڭگەگە باعالانىپتى.
ا.بايتۇرسىنۇلى اتىنداعى «قوستاناي» حالىقارالىق ەۋەجايى اق 1997 جىلى تٸركەلگەن. 2013 جىلى ەۋەجايدىڭ اكتسييالارى كوممۋنالدىق مەنشٸكتەن تٷگەلدەي رەسپۋبليكا مەنشٸگٸنە ٶتكەن. ال 2014 جىلى Airport Management Group جشس سەنٸمگەرلٸك باسقارۋىنا تاپسىرىلعان. وسىدان 6 جىل بۇرىن, 2018 جىلى ەۋەجايدى ساتپاق بولعانىمەن, ول كەزدە الاتىن ەشكٸم بولماي, ساۋدا ٶتپەي قالعان ەدٸ.
