Bul týraly Densaýlyq saqtaý ministri Eljan Birtanov málimdedi.
"Nur-Sultanda taǵy 14 adamnyń koronavirýs juqtyrǵanyn habarlaimyz. Olardyń barlyǵy karantinge jatqyzyldy, diagnoz rastaldy. Olarmen bailanysta bolǵan adamdardyń barlyǵy oqshaýlanyp, karantinge jatqyzylyp jatyr", - dedi ministr.
Osylaisha Qazaqstanda koronavirýs juqtyrǵan azamattardyń sany 27-ge jetti.
Osy indetke shaldyqqan taǵy bir el azamaty ázir Germaniiada em-dom alýda.
Budan buryn Almatyda úsh adamnyń qaýipti infektsiia juqtyrǵany habarlanǵan. 13 naýryzda Berlin – Minsk – Almaty reisimen kelgen eki jasar sábidiń virýsqa shaldyqqany belgili boldy.
Koronavirýstyń aldyn-alý jáne onyń taralýyna tosqaýyl qoiý maqsatynda prezident Toqaev bir aiǵa sozylatyn tótenshe jaǵdai jariialady.
