بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
"نۇر-سۇلتاندا تاعى 14 ادامنىڭ كوروناۆيرۋس جۇقتىرعانىن حابارلايمىز. ولاردىڭ بارلىعى كارانتينگە جاتقىزىلدى، دياگنوز راستالدى. ولارمەن بايلانىستا بولعان ادامداردىڭ بارلىعى وقشاۋلانىپ، كارانتينگە جاتقىزىلىپ جاتىر"، - دەدى مينيستر.
وسىلايشا قازاقستاندا كوروناۆيرۋس جۇقتىرعان ازاماتتاردىڭ سانى 27-گە جەتتى.
وسى ىندەتكە شالدىققان تاعى ءبىر ەل ازاماتى ءازىر گەرمانيادا ەم-دوم الۋدا.
بۇدان بۇرىن الماتىدا ءۇش ادامنىڭ ءقاۋىپتى ينفەكسيا جۇقتىرعانى حابارلانعان. 13 ناۋرىزدا بەرلين – مينسك – الماتى رەيسىمەن كەلگەن ەكى جاسار ءسابيدىڭ ۆيرۋسقا شالدىققانى بەلگىلى بولدى.
كوروناۆيرۋستىڭ الدىن-الۋ جانە ونىڭ تارالۋىنا توسقاۋىل قويۋ ماقساتىندا پرەزيدەنت توقايەۆ ءبىر ايعا سوزىلاتىن توتەنشە جاعداي جاريالادى.
