Qazaqstanda suiytylǵan munai gazyn shetelge avtokólik jáne temirjol arqyly shyǵarýǵa alty aiǵa tyiym salyndy. Tiisti buiryq Energetika ministrligi tarapynan qabyldandy, dep habarlaidy Dalanews.kz.
Qujatqa sáikes, tyiym suiytylǵan munai gazyn, propandy jáne býtandy (TN VED EAEO kodtary kórsetilgen) eksporttaýǵa qoldanylady.
Ministrliktiń málimetinshe, bul shekteý kelesi jaǵdailarǵa júrmeidi:
- ónimdi bólý týraly kelisim nemese Prezident bekitken jer qoinaýyn paidalaný kelisimsharty aiasynda turaqty salyq rejimimen jumys isteitin kompaniialar;
- Qarashyǵanaq ken ornynda óndirilgen qazaqstandyq shikizattan alynǵan taýarlardy halyqaralyq sharttar negizinde eksporttaý;
- Qazaqstan aýmaǵyn tek tranzitpen kesip ótetin tasymaldar;
- Úkimet sheshimimen gýmanitarlyq kómek retinde shyǵarylatyn ónimder.
Buiryq 2025 jylǵy 14 qarashadan bastap kúshine enedi.
