Qazaqstanda 2026 jyldyń basynan beri azamattyq-quqyqtyq daýlar sany aıtarlyqtaı artty. Resmı derekterge sáıkes, birinshi toqsanda sottarǵa 251,4 myń talap-aryz túsken. Bul byltyrǵynyń osy kezeńimen salystyrǵanda 42,3%-ǵa kóp, dep habarlaıdy Dalanews.kz.

Protenge telegram arnasynyń málimetinshe, barlyq aryz birdeı is júrgizýge qabyldana bermeıdi. Sonyń ishinde 164,6 myń talap-aryz ǵana sot qaraýyna alynǵan.

Óńirler boıynsha eń kóp aryz tirkelgen qalalar men aımaqtar da belgili boldy. Kósh basynda – Almaty qalasy (67 360). Odan keıin Shymkent (22 812), Astana (14 411), Túrkistan oblysy (15 913), Almaty oblysy (14 841) jáne Qaraǵandy oblysy (13 917) tur.

Degenmen resmı quqyqtyq statısıkada isterdiń naqty qandaı sanattarǵa jatatyny kórsetilmegen. Iaǵnı azamattyq jáne ekonomıkalyq sottar boıynsha bólinis te, daýlardyń túrleri boıynsha taldaý da joq.

Mamandar mundaı kúrt ósimniń sebepterin jan-jaqty zertteý qajet ekenin aıtady. Óıtkeni sotqa júginýshiler sanynyń artýy qoǵamdaǵy quqyqtyq belsendiliktiń kúsheıgenin de, belgili bir áleýmettik-ekonomıkalyq máselelerdiń ýshyǵýyn da kórsetýi múmkin.