قازاقستاندا 2026 جىلدىڭ باسىنان بەرى ازاماتتىق-قۇقىقتىق داۋلار سانى ايتارلىقتاي ارتتى. رەسمي دەرەكتەرگە سايكەس، ءبىرىنشى توقساندا سوتتارعا 251،4 مىڭ تالاپ-ارىز تۇسكەن. بۇل بىلتىرعىنىڭ وسى كەزەڭىمەن سالىستىرعاندا 42،3%-عا كوپ، دەپ حابارلايدى Dalanews.kz.

Protenge تەلەگرام ارناسىنىڭ مالىمەتىنشە، بارلىق ارىز بىردەي ءىس جۇرگىزۋگە قابىلدانا بەرمەيدى. سونىڭ ىشىندە 164،6 مىڭ تالاپ-ارىز عانا سوت قاراۋىنا الىنعان.

وڭىرلەر بويىنشا ەڭ كوپ ارىز تىركەلگەن قالالار مەن ايماقتار دا بەلگىلى بولدى. كوش باسىندا – الماتى قالاسى (67 360). ودان كەيىن شىمكەنت (22 812)، استانا (14 411)، تۇركىستان وبلىسى (15 913)، الماتى وبلىسى (14 841) جانە قاراعاندى وبلىسى (13 917) تۇر.

دەگەنمەن رەسمي قۇقىقتىق ستاتيستيكادا ىستەردىڭ ناقتى قانداي ساناتتارعا جاتاتىنى كورسەتىلمەگەن. ياعني ازاماتتىق جانە ەكونوميكالىق سوتتار بويىنشا ءبولىنىس تە، داۋلاردىڭ تۇرلەرى بويىنشا تالداۋ دا جوق.

ماماندار مۇنداي كۇرت ءوسىمنىڭ سەبەپتەرىن جان-جاقتى زەرتتەۋ قاجەت ەكەنىن ايتادى. ويتكەنى سوتقا جۇگىنۋشىلەر سانىنىڭ ارتۋى قوعامداعى قۇقىقتىق بەلسەندىلىكتىڭ كۇشەيگەنىن دە، بەلگىلى ءبىر الەۋمەتتىك-ەكونوميكالىق ماسەلەلەردىڭ ۋشىعۋىن دا كورسەتۋى مۇمكىن.