2026 jyldyń qańtar–sáýir ailarynyń qorytyndysy boiynsha Qazaqstanda sary mai men kúnbaǵys maiy óndirisi men eksporty aitarlyqtai ósti, dep habarlaidy dalanews.kz.
Esepti kezeńde elimizde mailylyǵy 85%-dan aspaityn 13,8 myń tonna sary mai óndirildi. Bul ótken jyldyń sáikes kezeńimen salystyrǵanda 47,4%-ǵa kóp.
Sary mai eksporty da 40,4%-ǵa artty. Biylǵy tórt aida shetelge 394,1 tonna ónim jóneltilse, ótken jyldyń osy kezeńinde bul kórsetkish 280,7 tonnany quraǵan. Qazaqstandyq sary mai negizinen Resei, Mońǵoliia, Qyrǵyzstan jáne Belarýske eksporttaldy.
Osy kezeńde elge 2 242,2 tonna sary mai importtaldy. Ishki naryqtaǵy importtyń úlesi 13,9% boldy. Negizgi jetkizýshiler qatarynda Belarýs pen Iran bar. Al ishki naryqta tórt aida 15,7 myń tonna sary mai satylǵan.
Kúnbaǵys maiy óndirisinde de ósim saqtaldy. Qańtar–sáýir ailarynda qazaqstandyq kásiporyndar 335,5 myń tonna tazartylǵan jáne tazartylmaǵan kúnbaǵys maiyn óndirip, ótken jyldyń sáikes kezeńimen salystyrǵanda óndiris kólemin 13,2%-ǵa ulǵaitty.
Eksport kólemi bul ónim boiynsha 49,6%-ǵa ósip, 353,8 myń tonnaǵa jetti. Byltyrǵy osy kezeńde shetelge 236,4 myń tonna kúnbaǵys maiy eksporttalǵan bolatyn.
Qazaqstandyq kúnbaǵys maiynyń negizgi satyp alýshylary – Ózbekstan (153,2 myń tonna), Qytai (127,2 myń tonna), Aýǵanstan (38,6 myń tonna), Tájikstan (27 myń tonna) jáne Iran (4,9 myń tonna).
Sonymen qatar esepti kezeńde elge 47,9 myń tonna kúnbaǵys maiy importtaldy. Ishki naryqtaǵy importtyq ónimniń úlesi 12,5% deńgeiinde qaldy. Biylǵy qańtar–sáýir aralyǵynda Qazaqstannyń ishki naryǵynda 29,7 myń tonna kúnbaǵys maiy ótkizildi.
