2026 جىلدىڭ قاڭتار–سەۋٸر ايلارىنىڭ قورىتىندىسى بويىنشا قازاقستاندا سارى ماي مەن كٷنباعىس مايى ٶندٸرٸسٸ مەن ەكسپورتى ايتارلىقتاي ٶستٸ, دەپ حابارلايدى dalanews.kz.
ەسەپتٸ كەزەڭدە ەلٸمٸزدە مايلىلىعى 85%-دان اسپايتىن 13,8 مىڭ توننا سارى ماي ٶندٸرٸلدٸ. بۇل ٶتكەن جىلدىڭ سەيكەس كەزەڭٸمەن سالىستىرعاندا 47,4%-عا كٶپ.
سارى ماي ەكسپورتى دا 40,4%-عا ارتتى. بيىلعى تٶرت ايدا شەتەلگە 394,1 توننا ٶنٸم جٶنەلتٸلسە, ٶتكەن جىلدىڭ وسى كەزەڭٸندە بۇل كٶرسەتكٸش 280,7 توننانى قۇراعان. قازاقستاندىق سارى ماي نەگٸزٸنەن رەسەي, موڭعولييا, قىرعىزستان جەنە بەلارۋسكە ەكسپورتتالدى.
وسى كەزەڭدە ەلگە 2 242,2 توننا سارى ماي يمپورتتالدى. ٸشكٸ نارىقتاعى يمپورتتىڭ ٷلەسٸ 13,9% بولدى. نەگٸزگٸ جەتكٸزۋشٸلەر قاتارىندا بەلارۋس پەن يران بار. ال ٸشكٸ نارىقتا تٶرت ايدا 15,7 مىڭ توننا سارى ماي ساتىلعان.
كٷنباعىس مايى ٶندٸرٸسٸندە دە ٶسٸم ساقتالدى. قاڭتار–سەۋٸر ايلارىندا قازاقستاندىق كەسٸپورىندار 335,5 مىڭ توننا تازارتىلعان جەنە تازارتىلماعان كٷنباعىس مايىن ٶندٸرٸپ, ٶتكەن جىلدىڭ سەيكەس كەزەڭٸمەن سالىستىرعاندا ٶندٸرٸس كٶلەمٸن 13,2%-عا ۇلعايتتى.
ەكسپورت كٶلەمٸ بۇل ٶنٸم بويىنشا 49,6%-عا ٶسٸپ, 353,8 مىڭ تونناعا جەتتٸ. بىلتىرعى وسى كەزەڭدە شەتەلگە 236,4 مىڭ توننا كٷنباعىس مايى ەكسپورتتالعان بولاتىن.
قازاقستاندىق كٷنباعىس مايىنىڭ نەگٸزگٸ ساتىپ الۋشىلارى – ٶزبەكستان (153,2 مىڭ توننا), قىتاي (127,2 مىڭ توننا), اۋعانستان (38,6 مىڭ توننا), تەجٸكستان (27 مىڭ توننا) جەنە يران (4,9 مىڭ توننا).
سونىمەن قاتار ەسەپتٸ كەزەڭدە ەلگە 47,9 مىڭ توننا كٷنباعىس مايى يمپورتتالدى. ٸشكٸ نارىقتاعى يمپورتتىق ٶنٸمنٸڭ ٷلەسٸ 12,5% دەڭگەيٸندە قالدى. بيىلعى قاڭتار–سەۋٸر ارالىعىندا قازاقستاننىڭ ٸشكٸ نارىعىندا 29,7 مىڭ توننا كٷنباعىس مايى ٶتكٸزٸلدٸ.
