Qazaqstan Atom energiiasy agenttiginiń basshysy Almasadam Sátqaliev elde salynatyn atom elektr stantsiiasynyń boljamdy quny keminde 14 milliard dollar bolatynyn málimdedi, dep habarlaidy Dalanews.kz.
“Dál naqty somasy tehnikalyq-ekonomikalyq negizdeme (TEN) ázirlengen soń belgili bolady. Qazir vendor-kompaniialardan alynǵan indikativti parametrler bar, biraq olar kelisimder arqyly qorǵalǵan”, — dedi ol.
Sátqalievtiń aitýynsha, bul baǵa kórsetkishi álemdegi osyǵan uqsas deńgeidegi stantsiialar qunymen sáikes keledi.
Eske salaiyq, 2025 jyly 20 maýsymda Sankt-Peterbýrg halyqaralyq ekonomikalyq forýmy aiasynda Qazaqstan Respýblikasynyń Atom energiiasy agenttiginiń tóraǵasy Almasadam Sátqaliev pen "Rosatom" memlekettik korporatsiiasynyń bas direktory Aleksei Lihachiov Qazaqstan Respýblikasynda atom elektr stantsiiasyn salý jobasyn iske asyrý máseleleri boiynsha kezdesý ótkizdi.
Kezdesý barysynda jobany daiyndaý jáne iske asyrý kezeńderin qamtityn indikativtik jol kartasy bekitildi. Qujatta injenerlik-izdestirý jumystaryn júrgizý, EPC-shart jasasý jáne jobalyq qujattamany ázirleý kózdelgen.
Sondai-aq "Qazaqstandyq atom elektr stantsiialary" JShS ("QAES") men "Rosatom" memlekettik korporatsiiasynyń injiniringtik kompaniiasy – "Atomstroieksport" AQ arasynda Almaty oblysynyń Jambyl aýdanynda jobany iske asyrýǵa bailanysty yntymaqtastyqtyń negizgi qaǵidattaryn aiqyndaityn negizdemelik kelisimge qol qoiyldy.
Atalǵan strategiialyq joba beibit maqsattaǵy atom energiiasyn paidalaný salasyndaǵy memleketaralyq yntymaqtastyq aiasynda júzege asyrylady jáne Qazaqstannyń energetikalyq qaýipsizdigin qamtamasyz etý men el ekonomikasyn dekarbonizatsiialaý jónindegi strategiialyq mindetterge qol jetkizýge baǵyttalǵan. Taraptar bul jobanyń elimiz úshin strategiialyq mańyzdylyǵyn jáne ony jedel iske asyrý qajettigin atap ótti.
"Qazaqstanda atom elektr stantsiiasyn salatyn halyqaralyq konsortsiýmdy basqarý quqyǵyn senip tapsyrǵany úshin Qazaqstan tarapyna alǵysymyzdy bildiremiz. Qazaqstan – atom salasyndaǵy bizdiń senimdi tarihi seriktesimiz. Senimdiligi, qaýipsizdigi jáne tiimdiligi dáleldengen reseilik iadrolyq tehnologiialar Qazaqstan halqynyń igiligine qyzmet etip, eldiń energetikalyq egemendigin nyǵaitady dep senemiz", – dedi "Rosatom" memlekettik korporatsiiasynyń bas direktory Aleksei Lihachiov.
Almas Sátqalievtiń aitýynsha, Qazaqstanda atom stantsiiasyn salý – elimizdiń energetikasyn ornyqty damytýdy qamtamasyz etýge baǵyttalǵan keshendi strategiianyń bir bóligi.
"Biz qaýipsizdiktiń joǵary deńgeiin jáne óndiristi jergiliktendirýdi qamtamasyz etý úshin seriktesterimizben tyǵyz ári ashyq yntymaqtastyqqa senim artamyz", – dep atap ótti Qazaqstan Respýblikasynyń Atom energiiasy jónindegi agenttiginiń tóraǵasy Almasadam Sátqaliev.
Aita ketsek, "Rosatom" memlekettik atom energiiasy korporatsiiasy – energetika, mashina jasaý, qurylys jáne ózge de salalardaǵy aktivterdi biriktiretin kópsalaly holding. Korporatsiia AES salý boiynsha álemdegi eń iri tapsyrystar portfeline ie: qazirgi tańda 10 elde túrli kezeńderde 39 energetikalyq bloktyń (onyń ishinde 6 shaǵyn qýatty blok) qurylysy júrgizilýde.
Buǵan deiin Qazaqstanda qolǵa alynbaq alǵashqy AES-tiń qurylysy qashan aiaqtalýy múmkin ekeni aitylǵan. Agenttiktiń málimetinshe,álemdik tájiribe kórsetkendei, atom elektr stantsiiasyn jobalaý, salý jáne paidalanýǵa berý merzimi 10-12 jyldy quraidy. Osy jaǵynan alǵanda, AES qurylysyn aiaqtaýdyń boljamdy merzimi - 2035-2036 jyldar. "Rosatom" MK da osy josparǵa súienetinderin rastapty.
