Parlament jańa Konstitýtsiiany iske asyrý aiasynda alty konstitýtsiialyq zańdy qabyldady, dep habarlaidy dalanews.kz.
Qabyldanǵan qujattar eldiń jańa saiasi quqyqtyq júiesin tolyqtyrýǵa jáne Konstitýtsiiadaǵy negizgi normalardy naqtylaýǵa baǵyttalǵan.
«Prezident týraly» Konstitýtsiialyq zań memlekettik biliktiń jańartylǵan modelin bekitedi. Qujatqa sáikes Vitse prezident institýty engizilip, Memleket basshysynyń ókilettikteri naqtylanady ári bilik tarmaqtary arasyndaǵy tepe teńdik kúsheitiledi.
«Qazaqstan Respýblikasy Quryltaiy jáne onyń depýtattarynyń mártebesi týraly» zań jańa zań shyǵarýshy bilik modelin qalyptastyryp, bir palataly Parlament jumysynyń tártibin aiqyndaidy.
Al «Qazaqstan Halyq Keńesi týraly» Konstitýtsiialyq zań azamattardyń múddesin bildiretin jáne mańyzdy memlekettik sheshimderdi talqylaýǵa qatysatyn jańa qoǵamdyq dialog institýtyn qurýdy kózdeidi.
Sonymen qatar «Astananyń mártebesi týraly» Konstitýtsiialyq zań elordany odan ári damytýdyń quqyqtyq negizderin bekitedi. Qujatta infraqurylym, qala qurylysy jáne jergilikti atqarýshy organdardyń ókilettikterine qatysty normalar qamtylǵan.
«Ákimshilik aýmaqtyq qurylys týraly» Konstitýtsiialyq zań aýmaqtardy basqarýdyń biryńǵai qaǵidalaryn engizip, eldi mekenderdiń mártebesine qatysty tártipterdi aiqyndaidy.
Sondai aq «Sailaý týraly» Konstitýtsiialyq zańǵa engizilgen ózgerister sailaý júiesin jetildirýge baǵyttalǵan. Túzetýler sailaý komissiialaryna qoiylatyn talaptardy kúsheitip, azamattardyń sailaý protsesine qatysý tetikterin keńeitedi.
Osylaisha qabyldanǵan zańdar paketi eldiń saiasi júiesin jańǵyrtyp, memlekettik basqarýdyń jańa modelin bekitedi.
Kelesi kezeń retinde jańa Parlament sailaýyn ótkizý josparlanyp otyr. Saiasi reformalar praktikalyq iske asyrý kezeńine ótpek.
