Aqpan aiynda elimizdiń aqsha aiyrbas oryndarda Resei valiýtasynyń netto-satylymy teris mánge ie boldy: -12,5 mlrd teńge. Bul degenimiz aqsha aiyrbas oryndarynyń rýbldi satqannan góri ony tutynýshylardan kóbirek satyp alǵanyn tanytady, dep habarlaidy Dalanews.kz.
"Aitqanda, qańtarda da kópshilik rýblden tezirek qutylýǵa tyrysqan, biraq ol kezde taza suranys 9,5 mlrd teńgeni ǵana qurady. Al aqpan aiyndaǵy kórsetkish odan da asyp túsip otyr. Bul 2020 jyldyń basynan bergi joǵary teris kórsetkish (sonyń ishinde dollarmen eseptelgende). Halyqtyń rýbldi belsendi túrde satýyna, negizinen, Resei valiýtasyn nyǵaiýy túrtki boldy. Aqpan aiynyń qorytyndysy boiynsha 1 rýbldiń ortasha baǵamy 5,47 teńge bolady, bul - qańtardaǵydan birden 6%-ǵa joǵary kórsetkish", dep jazady DATA HUB Ulttyq Bank málimetterine silteme jasai otyryp.
Biylǵy eki aida dollar men evro saýdasy qalai júrdi?
Aqsha aiyrbas oryndarynda amerikalyq dollardyń netto satylymy 175 mlrd teńgeni qurady, bul - teńgemen esep aiyrysý kezinde qańtardaǵy kórsetkishten 45%-ǵa artyq kórsetkish. Aqpan aiynda bizdiń ulttyq valiýtamyzdyń dollarǵa shaqqandaǵy ortasha baǵamy, birshama jaqsarǵan. Qańtarda 1 AQSh dollary 524, 67 teńge bolsa, aqpanda ol 506,03 teńgege deiin tómendedi.
Evronyń netto-satylymy - 33,1 mlrd teńge, bul - qańtardaǵy kórsetkishten 5% kem, biraq sonda da ol kóp bolyp sanalady, sebebi bir jyldyń barysynda evro satylymy 57%-ǵa artqan. Eýropalyq valiýta baǵamy, dollar siiaqty, aqpan aiynda qańtarǵa qaraǵanda tómen boldy (526,82 tg,-3%).
Buǵan deiin saitymyzda "Qazaqstanda rýbl satylymy sońǵy eki jylda rekordtyq kórsetkishke qol jetkizdi" degen maqala jariialanǵan.
