اقپان ايىندا ەلىمىزدىڭ اقشا ايىرباس ورىنداردا رەسەي ۆاليۋتاسىنىڭ نەتتو-ساتىلىمى تەرىس مانگە يە بولدى:  -12،5 ملرد تەڭگە. بۇل دەگەنىمىز اقشا ايىرباس ورىندارىنىڭ ءرۋبلدى ساتقاننان گورى ونى تۇتىنۋشىلاردان كوبىرەك ساتىپ العانىن تانىتادى، دەپ حابارلايدى Dalanews.kz.

"ايتقاندا، قاڭتاردا دا كوپشىلىك رۋبلدەن تەزىرەك قۇتىلۋعا تىرىسقان، ءبىراق ول كەزدە تازا سۇرانىس 9،5 ملرد تەڭگەنى عانا قۇرادى. ال اقپان ايىنداعى كورسەتكىش ودان دا اسىپ ءتۇسىپ وتىر. بۇل 2020 جىلدىڭ باسىنان بەرگى جوعارى تەرىس كورسەتكىش   (سونىڭ ىشىندە دوللارمەن ەسەپتەلگەندە). حالىقتىڭ ءرۋبلدى بەلسەندى تۇردە ساتۋىنا، نەگىزىنەن، رەسەي ۆاليۋتاسىن نىعايۋى تۇرتكى بولدى. اقپان ايىنىڭ قورىتىندىسى بويىنشا  1 ءرۋبلدىڭ ورتاشا باعامى 5،47 تەڭگە بولادى، بۇل - قاڭتارداعىدان بىردەن 6%-عا جوعارى كورسەتكىش"، دەپ جازادى DATA HUB ۇلتتىق بانك مالىمەتتەرىنە سىلتەمە جاساي وتىرىپ.

بيىلعى ەكى ايدا دوللار مەن ەۆرو ساۋداسى قالاي ءجۇردى؟

اقشا ايىرباس ورىندارىندا امەريكالىق دوللاردىڭ نەتتو ساتىلىمى 175 ملرد تەڭگەنى قۇرادى، بۇل - تەڭگەمەن ەسەپ ايىرىسۋ كەزىندە قاڭتارداعى كورسەتكىشتەن 45%-عا ارتىق كورسەتكىش. اقپان ايىندا ءبىزدىڭ ۇلتتىق ۆاليۋتامىزدىڭ دوللارعا شاققانداعى ورتاشا باعامى، ءبىرشاما جاقسارعان. قاڭتاردا 1 اقش دوللارى 524، 67 تەڭگە بولسا، اقپاندا ول 506،03 تەڭگەگە دەيىن تومەندەدى.

ەۆرونىڭ نەتتو-ساتىلىمى - 33،1 ملرد تەڭگە، بۇل - قاڭتارداعى كورسەتكىشتەن 5% كەم،  ءبىراق سوندا دا ول كوپ بولىپ سانالادى، سەبەبى ءبىر جىلدىڭ بارىسىندا ەۆرو ساتىلىمى 57%-عا ارتقان.  ەۋروپالىق ۆاليۋتا باعامى، دوللار سياقتى، اقپان ايىندا قاڭتارعا قاراعاندا تومەن بولدى (526،82 تگ،-3%).

بۇعان دەيىن سايتىمىزدا "قازاقستاندا رۋبل ساتىلىمى سوڭعى ەكى جىلدا رەكوردتىق كورسەتكىشكە قول جەتكىزدى" دەگەن ماقالا جاريالانعان.