Qazaqstanda reseilik biznestiń úlesi qarqyndy túrde azaiýda. Biylǵy jyldyń ekinshi toqsanynda elimizdegi reseilik kompaniialardyń sany sońǵy alty jyldaǵy eń úlken qarqynmen qysqarǵan. Ulttyq statistika biýrosynyń deregine súiensek, biyl 1 sáýir men 1 shilde aralyǵynda Resei kapitaly bar kásiporyndardyń sany 728-ge kemip, 17,6 myńǵa deiin tómendedi, dep habarlaidy Dalanews.kz.
DATA HUB sarapshylarynyń pikirinshe, mundai jaǵymsyz dinamika bir jyldan asa ýaqyttan beri toqtaýsyz jalǵasyp keledi. Eger 2022 jyly geosaiasi shielenis saldarynan Resei biznesi Qazaqstanǵa aǵylyp kelse, qazir kerisinshe, kórsetkishter burynǵy deńgeiine qarai keri sheginýde. Byltyrǵy sáýir aiymen salystyrǵanda reseilik kompaniialar sany 2,1 myńǵa azaiǵan (ol kezde bul kórsetkish 19,7 myńdy quraǵan edi).
Qyzyǵy, reseilik biznestiń qysqarýy bir ǵana sala emes, ekonomikadaǵy barlyq baǵytyn qamtyp otyr. Ásirese, eń kóp tómendeý saýda men IT salasyna tiesili – jalpy quldyraýdyń 55%-y dál osy sektorlar esebinen boldy.
Degenmen, bul jaǵdaiǵa qaramastan, Resei Qazaqstandaǵy sheteldik biznes sany boiynsha kóshbasshylyqty saqtaýda. Biraq, sońǵy ýaqytta Resei biznesi sheginip jatqanda, kórshi Ózbekstan men Qytai kerisinshe, qarqyndy ósim kórsetýde.
"Naqtyraq aitsaq, ózbekstandyq kapitaly bar kompaniialar sany biylǵy sáýir-maýsym ailarynda birden 527 kásiporynǵa kóbeiip, 5,4 myńǵa jetti. Bul ósimniń barlyǵy derlik qyzmet kórsetý salasynyń úlesine tiesili. Al qytailyq biznes osy kezeńde 503 kompaniiaǵa artyp, jalpy sany 4,5 myń kásiporynǵa jetken. Bul ósimniń 40%-y saýda salasy arqyly qamtamasyz etilgen. Alaida Ózbekstan men Qytai biznesi qansha qarqynmen ósse de, jalpy sheteldik kompaniialardyń kórsetkishine sheshýshi áser etetin reseilik biznestiń dinamikasy bolyp qalýda. Nátijesinde Qazaqstanda sheteldik kapitaly bar kompaniialar sany biylǵy ekinshi toqsanda jalpy alǵanda 254 kásiporynǵa azaiyp, búginde 44,7 myń kompaniiany qurap otyr. Osylaisha, Reseiden kelgen kásipkerlerdiń ketýi Qazaqstandaǵy sheteldik biznestiń jalpy kórsetkishine teris yqpal etip otyr", - deidi DATA HUB sarapshylary.
Buǵan deiin saitymyzda "Reseidiń Ulttyq qory sarqylý, ekonomikasy retsessiia aldynda tur" degen maqala jariialanǵan bolatyn.
