[quads id=1]Ulttyq Banktiń bazalyq mólsherlemeni kóterýinen keiin Qazaqstannyń depozitterge kepildik berý qory otandyq bankterge depozitter boiynsha eń joǵary mólsherlemeni qaita qaraýdy usyndy.
Otandyq bankterdiń ishinen alǵashqylardyń biri bolyp Home Credit Bank búgin merzimdi teńge depozitteri boiynsha jyldyq tiimdi mólsherleme 14%-ǵa kóterdi. Al teńgedegi jinaq depozitteri boiynsha jyldyq tiimdi mólsherleme 16%-ǵa artty. «Prostoi» merzimdi depoziti boiynsha mólsherlemeniń joǵarylaýy depozit ashqysy keletin jańa klientterge ǵana emes, qazirgi salymy bar klientterge de áser etedi.
Home Credit Bank salymynyń eń tómengi somasy 1000 teńgeden bastalady. Maksimaldy somasy shekteýsiz. Salymdardy mobildi qosymshada, saitta jáne bank bólimshelerinde ashýǵa bolady.
«Osymen jyl basynan beri úshinshi ret «Prostoi» depozitteri boiynsha mólsherlemeni kóterdik. Bul jańa klienttermen birge bizdiń qazirgi salymshylarymyzǵa da arnalǵan qoldaý sharasy. Klientterimiz bizdi qarjy seriktesi retinde tańdap, senim bildirgenin joǵary baǵalaimyz. Korporativtik mádenietimizdiń negizine alynǵan eýropalyq ádilettilik qaǵidattaryn basshylyqqa ala otyryp, klientterimizdi bólip-jarǵymyz kelmeidi. Barsha klientimizdiń qarjylyq ál-aýqatyna qamqorlyq jasaý asa mańyzdy. Sebebi, klientterdiń shynaiy alǵysy — eń úlken marapat», — dedi «Home Credit Bank» AQ basqarma tóraǵasy Kiril Bachvarov.
«Home Credit Bank» AQ basqarma tóraǵasy Kiril Bachvarov
Jaqynda qazaqstandyq Hoým Kredit Banki kirillitsadaǵy ataýdan bas tartyp, Home Credit Bank dep ózgerdi. Osy jyldyń mamyr aiynda qarjy institýtynyń menshik iesi aýysyp, Eýropalyq odaqtyń azamattary aktsionerler atandy. Uiymnyń aktsiialary paketiniń 75%-yn holdingtiń basshysy Irji Shmeits jetekshilik etetin PPF halyqaralyq investitsiialyq-qarjy korporatsiiasynyń top-menedjmenti satyp aldy.
Shmeits —milliarder, Chehiianyń eń bai turǵyndarynyń biri, jergilikti Forbes reitingisinde 13-shi oryndaǵy kásipker.
