[quads id=1]ۇلتتىق بانكتىڭ بازالىق مولشەرلەمەنى كوتەرۋىنەن كەيىن قازاقستاننىڭ دەپوزيتتەرگە كەپىلدىك بەرۋ قورى وتاندىق بانكتەرگە دەپوزيتتەر بويىنشا ەڭ جوعارى مولشەرلەمەنى قايتا قاراۋدى ۇسىندى.
وتاندىق بانكتەردىڭ ىشىنەن العاشقىلاردىڭ ءبىرى بولىپ Home Credit Bank بۇگىن مەرزىمدى تەڭگە دەپوزيتتەرى بويىنشا جىلدىق ءتيىمدى مولشەرلەمە 14%-عا كوتەردى. ال تەڭگەدەگى جيناق دەپوزيتتەرى بويىنشا جىلدىق ءتيىمدى مولشەرلەمە 16%-عا ارتتى. «پروستوي» مەرزىمدى دەپوزيتى بويىنشا مولشەرلەمەنىڭ جوعارىلاۋى دەپوزيت اشقىسى كەلەتىن جاڭا كليەنتتەرگە عانا ەمەس، قازىرگى سالىمى بار كليەنتتەرگە دە اسەر ەتەدى.
Home Credit Bank سالىمىنىڭ ەڭ تومەنگى سوماسى 1000 تەڭگەدەن باستالادى. ماكسيمالدى سوماسى شەكتەۋسىز. سالىمداردى ءموبيلدى قوسىمشادا، سايتتا جانە بانك بولىمشەلەرىندە اشۋعا بولادى.
«وسىمەن جىل باسىنان بەرى ءۇشىنشى رەت «پروستوي» دەپوزيتتەرى بويىنشا مولشەرلەمەنى كوتەردىك. بۇل جاڭا كليەنتتەرمەن بىرگە ءبىزدىڭ قازىرگى سالىمشىلارىمىزعا دا ارنالعان قولداۋ شاراسى. كليەنتتەرىمىز ءبىزدى قارجى سەرىكتەسى رەتىندە تاڭداپ، سەنىم بىلدىرگەنىن جوعارى باعالايمىز. كورپوراتيۆتىك مادەنيەتىمىزدىڭ نەگىزىنە الىنعان ەۋروپالىق ادىلەتتىلىك قاعيداتتارىن باسشىلىققا الا وتىرىپ، كليەنتتەرىمىزدى ءبولىپ-جارعىمىز كەلمەيدى. بارشا كليەنتىمىزدىڭ قارجىلىق ءال-اۋقاتىنا قامقورلىق جاساۋ اسا ماڭىزدى. سەبەبى، كليەنتتەردىڭ شىنايى العىسى — ەڭ ۇلكەن ماراپات»، — دەدى «Home Credit Bank» اق باسقارما ءتوراعاسى كيريل باچۆاروۆ.
«Home Credit Bank» اق باسقارما ءتوراعاسى كيريل باچۆاروۆ
جاقىندا قازاقستاندىق حوۋم كرەديت بانكى كيريلليساداعى اتاۋدان باس تارتىپ، Home Credit Bank دەپ وزگەردى. وسى جىلدىڭ مامىر ايىندا قارجى ينستيتۋتىنىڭ مەنشىك يەسى اۋىسىپ، ەۋروپالىق وداقتىڭ ازاماتتارى اكسيونەرلەر اتاندى. ۇيىمنىڭ اكسيالارى پاكەتىنىڭ 75%-ىن حولدينگتىڭ باسشىسى يرجي شمەيس جەتەكشىلىك ەتەتىن PPF حالىقارالىق ينۆەستيسيالىق-قارجى كورپوراسياسىنىڭ توپ-مەنەدجمەنتى ساتىپ الدى.
شمەيس —ميللياردەر، چەحيانىڭ ەڭ باي تۇرعىندارىنىڭ ءبىرى، جەرگىلىكتى Forbes رەيتينگىسىندە 13ء-شى ورىنداعى كاسىپكەر.
