Qazaqstanda ónerkásiptik maqsatta qarasora ósirý erejeleri jańadan bekitildi. Qaýlynyń negizgi maqsaty – ósimdikti tek óndiristik baǵytta paidalaný jáne onyń zańsyz ainalymynyń aldyn alý, dep habarlaidy Dalanews.kz.
Jańa tártipke sai qarasoranyń tek arnaiy ruqsat etilgen sorttaryn egýge bolady. Ol úshin mindetti túrde litsenziia qajet.
Ósiretin aýmaq eldimekenderden, joldardan jáne basqa da egis alqaptarynan keminde eki shaqyrym qashyqta ornalasýǵa tiis. Ýchaske tolyqtai torly nemese tikenek symmen qorshalyp, táýlik boiy kúzetiledi. Kirý-shyǵý tek bir qaqpa arqyly júzege asyrylady.
Tuqym paidalanbas buryn zerthanalyq tekseristen ótedi. Onyń quramyndaǵy tetragidrokannabinol (TGK) kórsetkishi normadan aspaǵany dáleldenýi kerek. Eger ósirý barysynda TGK deńgeii kóterilse, ol dereý joiylady.
Memleket bul arqyly qarasorany mata, qaǵaz, qurylys materialdary siiaqty ónimder óndirisinde qoldanýdy júielemek. Sonymen qatar, psihobelsendi zattardyń taralýyna tosqaýyl qoiyp, qaýipsizdik sharalaryn kúsheitýdi kózdeidi.
