Qazaqstanda psihologtardyń qyzmetin retteitin arnaiy zań qabyldanýy múmkin. Bul týraly Májilis depýtaty Ashat Aimaǵambetov málimdedi, dep habarlaidy Dalanews.kz.
Onyń aitýynsha, «Psihologiialyq qyzmet týraly» zań jobasy psihologiialyq qyzmetti júzege asyrýdyń quqyqtyq negizin qalyptastyryp, osy salany retteýge júieli ári keshendi tásildi qamtamasyz etedi.
«Zań jobasynda psihologiialyq qyzmettiń negizgi qaǵidattary men túrleri egjei-tegjeili aiqyndalǵan, sondai-aq kásibi psihologiialyq kómektiń shekarasy belgilenedi. Barlyq psihologtar jeke reestrge tirkeletin bolady. Bul psihologiialyq qyzmetpen zańsyz ainalysatyn tulǵalardyń áreketiniń aldyn alýǵa múmkindik beredi», – dedi májilismen.
Depýtattyń sózinshe, biryńǵai reestr engizý arqyly mamandardyń kásibi mártebesin naqtylaý jáne azamattardyń sapaly psihologiialyq kómek alýyna jaǵdai jasaý kózdelip otyr.
Aita keteiik, Qazaqstan Respýblikasy Parlamenti Májilisi depýtattary «Psihologiialyq qyzmet týraly» zań jobasyn jumysqa qabyldady.
