قازاقستاندا پسيحولوگتاردىڭ قىزمەتىن رەتتەيتىن ارنايى زاڭ قابىلدانۋى مۇمكىن. بۇل تۋرالى ءماجىلىس دەپۋتاتى اسحات ايماعامبەتوۆ مالىمدەدى، دەپ حابارلايدى Dalanews.kz.
ونىڭ ايتۋىنشا، «پسيحولوگيالىق قىزمەت تۋرالى» زاڭ جوباسى پسيحولوگيالىق قىزمەتتى جۇزەگە اسىرۋدىڭ قۇقىقتىق نەگىزىن قالىپتاستىرىپ، وسى سالانى رەتتەۋگە جۇيەلى ءارى كەشەندى ءتاسىلدى قامتاماسىز ەتەدى.
«زاڭ جوباسىندا پسيحولوگيالىق قىزمەتتىڭ نەگىزگى قاعيداتتارى مەن تۇرلەرى ەگجەي-تەگجەيلى ايقىندالعان، سونداي-اق كاسىبي پسيحولوگيالىق كومەكتىڭ شەكاراسى بەلگىلەنەدى. بارلىق پسيحولوگتار جەكە رەەسترگە تىركەلەتىن بولادى. بۇل پسيحولوگيالىق قىزمەتپەن زاڭسىز اينالىساتىن تۇلعالاردىڭ ارەكەتىنىڭ الدىن الۋعا مۇمكىندىك بەرەدى»، – دەدى ماجىلىسمەن.
دەپۋتاتتىڭ سوزىنشە، ءبىرىڭعاي رەەستر ەنگىزۋ ارقىلى مامانداردىڭ كاسىبي مارتەبەسىن ناقتىلاۋ جانە ازاماتتاردىڭ ساپالى پسيحولوگيالىق كومەك الۋىنا جاعداي جاساۋ كوزدەلىپ وتىر.
ايتا كەتەيىك، قازاقستان رەسپۋبليكاسى پارلامەنتى ءماجىلىسى دەپۋتاتتارى «پسيحولوگيالىق قىزمەت تۋرالى» زاڭ جوباسىن جۇمىسقا قابىلدادى.
