Mádeniet jáne aqparat ministri Aida Balaeva prank jasaýǵa bailanysty qyzmetti zań júzinde shekteý múmkindigi qarastyrylyp jatqanyn málimdedi, dep habarlaidy Dalanews.kz.
Onyń aitýynsha, aldyn ala kelisim alynbai, adamdar ádeii kúizeliske, qaýipti nemese ar-namysyna tietin jaǵdaiǵa túsiriletin videolar týraly sóz bolyp otyr.
Mundai kontent kóp jaǵdaida etikalyq jáne quqyqtyq normalardy buzady. Qazir retteýdiń qandai formaty engiziletini talqylanýda – naqty erejelerden bastap, mundai túsirilimderdi uiymdastyrýdy tolyq tyiym salýǵa deiingi sharalar qarastyrylýda.
Maqsat – azamattardy ziian keltirýi múmkin kontentten qorǵaý jáne qaýipsiz mediaortany qalyptastyrý.
Eske salaiyq, buǵan deiin Aida Balaeva ruqsatsyz foto jáne videoǵa túsirýge tyiym salynýy múmkin ekenin habarlaǵan bolatyn.
Sonymen qatar, jýrnalist Artur Nyǵmetov shetelde prank jasaǵysh qazaqstandyq blogerler týraly oiyn aityp, bul jaitqa alańdaýshylyq bildirip, elimizdiń halyqaralyq bedeline kóleńke túsip jatqanyn atap ótken edi.
