Qazaqstanda politsiia men tótenshe jaǵdailar qyzmeti Jańa jyl merekesi qarsańynda kúsheitilgen jumys rejimine kóshti, dep habarlaidy Dalanews.kz.
IIM vitse-ministri Igor Lepioha qarý-jaraq dúkenderi, qylmystyq-atqarý júiesi nysandary jáne oiyn-saýyq oryndary mańynda jumys kúsheitilgenin málimdedi. Mereke kúnderi politsiia kópshilik jinalatyn oryndarda táýlik boiy kezekshilik atqaryp, jol qozǵalysyn qatań túrde baqylaýǵa alady.
Tótenshe jaǵdailar ministri Shyńǵys Árinovtyń aitýynsha, elimiz boiynsha órt qaýipsizdigi sharalary, ásirese adamdar kóp jinalatyn nysandarda kúsheitilgen. Qutqarýshylar jańa jyldyq is-sharalar ótetin aýmaqtardy tekserip, kúrdeli ýchaskelerde jylytý pýnktterin ornalastyrdy jáne shuǵyl evakýatsiia úshin TJM aviatsiiasynyń daiyndyǵyn qamtamasyz etti.
Sondai-aq shuǵyl qyzmetter IIM, Densaýlyq saqtaý jáne Kólik ministrlikterimen ózara is-qimyldy jolǵa qoidy. Halyqqa qolaisyz aýa raiy men avtojoldardyń jabylýy jónindegi aqparat jedel túrde jetkizilip otyrady.
