QR Ulttyq statısıkalyq búrosy 2025 jyldyń İ-toqsanynyń qorytyndysy boıynsha elimizdegi jalaqyǵa qatysty esep-qısapty usyndy, dep habarlaıdy Dalanews.kz.
2025 jylǵy I toqsanda baǵalaý boıynsha jalaqynyń medıanalyq máni (jalaqy qatarynyń ortalyq deńgeıi) 300 307 teńgeni qurady.
"Al kásipkerlik qyzmetpen aınalysatyn shaǵyn kásiporyndardy esepke almaǵandaǵy ataýly jalaqynyń ortasha máni 2025 jylǵy I toqsanda 423 133 teńge boldy, bul byltyrǵy tıisti toqsanmen salystyrǵanda 10,7% artyq", - deıdi ulttyq búro.
2024 jylǵy İ toqsanmen salystyrǵanda ortasha aılyq jalaqynyń eń joǵar ósimi myna salalarda tirkeldi:
- aqparat jáne baılanys – 31,3%,
- aýyl, orman jáne balyq sharýashylyǵy – 17,3%,
- óner, oıyn-saýyq jáne demalys – 16,1% salalarynda baıqaldy.
Densaýlyq saqtaý jáne halyqqa áleýmettik qyzmet kórsetýde – 6,2%, bilim berýde ortasha aılyq jalaqy kólemi 6,1% ósti.
2024 jyldyń tıisti toqsanymen salystyrǵanda 2025 jyldyń I-toqsanynda ortasha aılyq ataýly jalaqynyń eń kóp ósimi myna óńirlerde tirkeldi:
- Ulytaý oblysynda –19,4%,
- Qostanaı oblysynda – 14,6%,
- Almaty qalasynda – 14,2%,
- Pavlodar oblysy - 13,5%.
Buǵan deıin saıtymyzda "Ótirik statısıkany doǵaryńyzdar! Jastar jumyssyz júr - depýtat Aralbaıuly" degen maqala jarıalanǵan bolatyn.
