Tanymal dintanýshy Nurlan Baijigituly áleýmettik jeliler men internet platformalarda dini ýaǵyz júrgizýge múmkindik beretin resmi missionerlik kýálik alǵanyn málimdedi, dep habarlaidy dalanews.kz.
Onyń aitýynsha, mundai kýálik ózine jáne eki naib-imam - Berik Aryn men Suńǵat Sametovke Qazaqstan Respýblikasynyń "Dini qyzmet jáne dini birlestikter týraly" zańynyń talaptaryna sáikes berilgen.
Imamnyń sózinshe, qujat meshitten tys jerde, sonyń ishinde internet pen áleýmettik jelilerde dini mazmundaǵy ýaǵyz-nasihat júrgizýge ruqsat beredi.
Nurlan Baijigituly zańnyń 8-babynyń 1-tarmaǵyna sáikes missionerlik qyzmetpen ainalysý úshin arnaiy ruqsat qajet ekenin aitty. Osy talapqa sai ózine jáne eki áriptesine resmi kýálik tabystalǵan.
Ol bul qujat din qyzmetkerlerine berilgen alǵashqy resmi missionerlik kýálik ekenin de aitty.
