ق ر ۇلتتىق ستاتيستيكالىق بيۋروسى 2025 جىلدىڭ ءى-توقسانىنىڭ قورىتىندىسى بويىنشا ەلىمىزدەگى جالاقىعا قاتىستى ەسەپ-قيساپتى ۇسىندى، دەپ حابارلايدى Dalanews.kz.
2025 جىلعى I توقساندا باعالاۋ بويىنشا جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 300 307 تەڭگەنى قۇرادى.
"ال كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە الماعانداعى اتاۋلى جالاقىنىڭ ورتاشا ءمانى 2025 جىلعى I توقساندا 423 133 تەڭگە بولدى، بۇل بىلتىرعى ءتيىستى توقسانمەن سالىستىرعاندا 10،7% ارتىق"، - دەيدى ۇلتتىق بيۋرو.
2024 جىلعى ءى توقسانمەن سالىستىرعاندا ورتاشا ايلىق جالاقىنىڭ ەڭ جوعار ءوسىمى مىنا سالالاردا تىركەلدى:
- اقپارات جانە بايلانىس – 31،3%،
- اۋىل، ورمان جانە بالىق شارۋاشىلىعى – 17،3%،
- ونەر، ويىن-ساۋىق جانە دەمالىس – 16،1% سالالارىندا بايقالدى.
دەنساۋلىق ساقتاۋ جانە حالىققا الەۋمەتتىك قىزمەت كورسەتۋدە – 6،2%، ءبىلىم بەرۋدە ورتاشا ايلىق جالاقى كولەمى 6،1% ءوستى.
2024 جىلدىڭ ءتيىستى توقسانىمەن سالىستىرعاندا 2025 جىلدىڭ I-توقسانىندا ورتاشا ايلىق اتاۋلى جالاقىنىڭ ەڭ كوپ ءوسىمى مىنا وڭىرلەردە تىركەلدى:
- ۇلىتاۋ وبلىسىندا –19،4%،
- قوستاناي وبلىسىندا – 14،6%،
- الماتى قالاسىندا – 14،2%،
- پاۆلودار وبلىسى - 13،5%.
بۇعان دەيىن سايتىمىزدا "وتىرىك ستاتيستيكانى دوعارىڭىزدار! جاستار جۇمىسسىز ءجۇر - دەپۋتات ارالباي ۇلى" دەگەن ماقالا جاريالانعان بولاتىن.
