2026 jyldyń alǵashqy jartyjyldyǵynda Qazaqstanda 57 jalǵan aqsha belgisi anyqtaldy. Olardyń ishinde eń jii qoldan jasalǵany 2 myń teńgelik banknotalar bolsa, eń kóp qarjylyq shyǵyn 10 myń teńgelik jalǵan kýpiýralardan kelgen. Bul týraly Ulttyq bank málimdedi, dep habarlaidy dalanews.kz.
Ulttyq banktiń dereginshe, jyl basynan beri 49 jalǵan banknota jáne 8 tiyn anyqtalǵan. Olardyń jalpy nominaly 259,4 myń teńgeni qurady.
Anyqtalǵan jalǵan aqshalardyń ishinde:
• 2 myń teńgelik – 22 banknota;
• 10 myń teńgelik – 16 banknota;
• 5 myń teńgelik – 11 banknota;
• 8 tiyn.
Eń kóp anyqtalǵany – 2 myń teńgelik banknotalar. Olar barlyq jalǵan aqshanyń 38,6 paiyzyn quraǵan.
Alaida qarjylyq shyǵyn kólemi boiynsha 10 myń teńgelik kýpiýralar kósh bastap tur. Barlyǵy 16 jalǵan 10 myń teńgelik banknotanyń jalpy somasy 160 myń teńgeni quraǵan. Bul anyqtalǵan jalǵan aqshalardyń jalpy qunynyń shamamen 62 paiyzyna teń.
Ulttyq bank málimetinshe, jalǵan aqsha sany ótken jyldyń sáikes kezeńimen salystyrǵanda 68,4 paiyzǵa azaiǵan.
Sonymen birge vedomstvo áleýmettik jeliler men messendjerlerde teńgege uqsas poligrafiialyq ónimderdiń taralýy kóbeigenin eskertti. Mundai kýpiýralarda «Tólem quraly bolyp tabylmaidy» nemese «Merekeni birge toilaimyz» degen jazýlar bolýy múmkin. Degenmen olardy tólem jasaý úshin paidalanýǵa bolmaidy.
Ulttyq bank kúmándi banknotany tekserý úshin «sez – qara – bur» qaǵidatyn qoldanýǵa keńes beredi. Iaǵni qaǵazdyń sapasy men bederin tekserip, jaryqqa tosyp sýtańba men qorǵanysh jibin qaraý, keiin banknotany eńkeitip, túsi ózgeretin qorǵanysh elementteriniń bar-joǵyn baqylaý qajet.
Eger banknotanyń túpnusqalyǵyna kúmán týyndasa, ony ainalymǵa qaita jiberýge nemese basqa adamǵa berýge bolmaidy. Mundai jaǵdaida Ulttyq bank azamattarǵa politsiiaǵa nemese ekonomikalyq tergep-tekserý organdaryna júginýge keńes beredi.
