2026 jyldyń sáýir-maýsym ailarynda Qazaqstandaǵy ortasha ailyq jalaqy 486 388 teńgege jetti. Bul 2025 jyldyń sáikes kezeńimen salystyrǵanda 8,4%-ǵa joǵary. Alaida infliatsiiany esepke alǵanda halyqtyń naqty jalaqysy 1,8%-ǵa tómendegen. Bul týraly Ulttyq statistika biýrosy málimdedi, dep habarlaidy dalanews.kz.
Ekinshi toqsanda medianalyq jalaqy, iaǵni qyzmetkerlerdiń teń jartysy odan kóp, qalǵan jartysy odan az alatyn kórsetkish 348 415 teńgeni qurady.
Biylǵy birinshi toqsanmen salystyrǵanda ortasha jalaqy 5,4%-ǵa, al onyń naqty kólemi 3%-ǵa artqan.
Óńirler arasynda jalaqynyń eń joǵary ósimi Aqmola oblysynda tirkelip, 10,7%-dy qurady. Odan keiin Abai oblysy – 10,6% jáne Almaty qalasy – 10,2%. Soltústik Qazaqstan oblysynda eńbekaqy 9,5%-ǵa, Pavlodar oblysy men Shymkent qalasynda 9,4%-ǵa kóbeigen.
Salalar boiynsha eń joǵary ósim aýyl, orman jáne balyq sharýashylyǵynda baiqaldy – 17,5%. Qurylys salasynda jalaqy 16,9%-ǵa, qarjy jáne saqtandyrý qyzmetinde 16%-ǵa kóterilgen.
Ónerkásip qyzmetkerleriniń ortasha ailyq tabysy 11,4%-ǵa ósti. Sonyń ishinde sýmen jabdyqtaý, káriz júiesi, qaldyqtardy jinaý jáne joiý salasyndaǵy eńbekaqy 14,7%-ǵa artqan. Elektr energiiasy, gaz, bý, ystyq sý jáne aýa baptaý qyzmetterinde ósim 13,6%-dy qurady.
Eń tómen ósim bilim berý salasynda tirkeldi – 3,2%. Óner, oiyn-saýyq jáne demalys salasynda jalaqy 3,4%-ǵa, aqparat jáne bailanys salasynda 3,8%-ǵa kóbeigen.
Eldegi eń joǵary ataýly jalaqy qarjy jáne saqtandyrý salasynda saqtalyp otyr. Bul sala mamandarynyń eńbekaqysy respýblikalyq ortasha kórsetkishten 2,3 ese joǵary. Taý-ken ónerkásibi men karerlerdi igerý salasynda jalaqy ortasha deńgeiden eki ese, al aqparat jáne bailanys salasynda 1,7 ese kóp.
