2027 jyly 1 jáne 5-synyptarǵa arnalǵan jańa oqýlyqtar shyǵarý, 10-11-synyptarǵa arnalǵan oqýlyqtardy ózektendirý josparlanyp otyr. Bul týraly Úkimet otyrysynda oqý-aǵartý ministri Juldyz Súleimenova málimdedi, dep habarlaidy Dalanews.kz.
Ministr 2026 jyly 3, 4, 7, 8 jáne 9-synyptarǵa arnalǵan oqýlyqtar jańartylatynyn atap ótti. 2027 jyly 1 jáne 5-synyptarǵa arnalǵan jańa oqýlyqtar shyǵarý, kartalardy, tarihi jáne ákimshilik materialdardy tolyq aýystyra otyryp, 10-11-synyptardyń oqýlyqtaryn ózektendirý josparlanyp otyr. Al 2028 jyly 2 jáne 6-synyptarǵa arnalǵan jańa oqýlyqtar shyǵarylmaq.
"Dál osy tásil oqýshylardyń sapaly daiyndyǵyn qamtamasyz etýge, olardyń analitikalyq jáne ǵylymi oilaýyn damytýǵa, sondai-aq, qazirgi ekonomikada suranysqa ie quzyretterdi qalyptastyrýǵa múmkindik beredi. Osylaisha bilim berý júiesi Memleket basshysynyń alǵa qoiǵan jahandyq ǵylymi-tehnologiialyq ózgerister jaǵdaiynda laiyqty básekelese alatyn tehnologiialyq ult qalyptastyrý jónindegi strategiialyq mindetin dáiekti túrde júzege asyrady", - dedi Juldyz Súleimenova.
Tárbie jumysy 5-9-synyptardy qamtityn "Adal Azamat" biryńǵai baǵdarlamasyn, "Konstitýtsiia negizderi", "Zań men tártip" kýrstaryn, ekologiialyq bilim berýdi engizý arqyly kúsheitiledi, bul azamattyq jaýapkershilikti, patriotizmdi, áleýmettik jáne ekologiialyq quzyretterdi qalyptastyrady.
