2027 جىلى 1 جانە 5-سىنىپتارعا ارنالعان جاڭا وقۋلىقتار شىعارۋ، 10-11-سىنىپتارعا ارنالعان وقۋلىقتاردى وزەكتەندىرۋ جوسپارلانىپ وتىر. بۇل تۋرالى ۇكىمەت وتىرىسىندا وقۋ-اعارتۋ ءمينيسترى جۇلدىز سۇلەيمەنوۆا مالىمدەدى، دەپ حابارلايدى Dalanews.kz.
مينيستر 2026 جىلى 3، 4، 7، 8 جانە 9-سىنىپتارعا ارنالعان وقۋلىقتار جاڭارتىلاتىنىن اتاپ ءوتتى. 2027 جىلى 1 جانە 5-سىنىپتارعا ارنالعان جاڭا وقۋلىقتار شىعارۋ، كارتالاردى، تاريحي جانە اكىمشىلىك ماتەريالداردى تولىق اۋىستىرا وتىرىپ، 10-11-سىنىپتاردىڭ وقۋلىقتارىن وزەكتەندىرۋ جوسپارلانىپ وتىر. ال 2028 جىلى 2 جانە 6-سىنىپتارعا ارنالعان جاڭا وقۋلىقتار شىعارىلماق.
"ءدال وسى ءتاسىل وقۋشىلاردىڭ ساپالى دايىندىعىن قامتاماسىز ەتۋگە، ولاردىڭ اناليتيكالىق جانە عىلىمي ويلاۋىن دامىتۋعا، سونداي-اق، قازىرگى ەكونوميكادا سۇرانىسقا يە قۇزىرەتتەردى قالىپتاستىرۋعا مۇمكىندىك بەرەدى. وسىلايشا ءبىلىم بەرۋ جۇيەسى مەملەكەت باسشىسىنىڭ العا قويعان جاھاندىق عىلىمي-تەحنولوگيالىق وزگەرىستەر جاعدايىندا لايىقتى باسەكەلەسە الاتىن تەحنولوگيالىق ۇلت قالىپتاستىرۋ جونىندەگى ستراتەگيالىق مىندەتىن دايەكتى تۇردە جۇزەگە اسىرادى"، - دەدى جۇلدىز سۇلەيمەنوۆا.
تاربيە جۇمىسى 5-9-سىنىپتاردى قامتيتىن "ادال ازامات" ءبىرىڭعاي باعدارلاماسىن، "كونستيتۋسيا نەگىزدەرى"، "زاڭ مەن ءتارتىپ" كۋرستارىن، ەكولوگيالىق ءبىلىم بەرۋدى ەنگىزۋ ارقىلى كۇشەيتىلەدى، بۇل ازاماتتىق جاۋاپكەرشىلىكتى، ءپاتريوتيزمدى، الەۋمەتتىك جانە ەكولوگيالىق قۇزىرەتتەردى قالىپتاستىرادى.
