Qazaqstan ekonomikasy shikizat satýǵa táýeldilikten birtindep arylyp, óńdeý salasyna bet buryp keledi. Qarjy sarapshysy Aibar Oljaevtyń málimetinshe, qazir elde óńdeý ónerkásibi men naqty sektordy damytýǵa baǵyttalǵan 17 iri investitsiialyq joba qolǵa alynǵan,- dep habarlaidy Dalanews.kz
Sarapshynyń aitýynsha, bul jobalardyń jiyntyq quny shamamen 14,6 trillion teńgege baǵalanyp otyr. Bul soma — elimizdiń Ulttyq qorynyń shamamen jartysyna teń nemese respýblikalyq biýdjettiń kiris bóliginen sál artyq.
«Qazir naqty sektorda, iaǵni bir taýardy jasap shyǵarý isinde Qazaqstan aqyryndap alǵa jyljyp keledi. Bul toqtap turǵannan, nemese keri ketýden áldeqaida jaqsy. Bizde tek biýdjettik distsiplinamen ǵana problema bar. Al ekonomikanyń naqty sektory, ásirese qaita óńdeý baǵytynda jaǵdai jaman emes», — deidi Oljaev.
Jospar boiynsha 17 jobanyń 9-y indýstriia jáne qurylys salasyna, tórteýi energetikaǵa, ekeýi aýyl sharýashylyǵyna, taǵy ekeýi týrizm salasyna tiesili. Sarapshy bul jobalar iske qosylǵan kezde ishki jalpy ónimge jyl saiyn shamamen 7,3 mlrd AQSh dollary kóleminde qosymsha úles qosylatynyn aitady. Sonymen qatar 26 myńnan astam turaqty jumys orny ashylady dep kútilýde.
Aibar Oljaev aldaǵy eki aptada bul jobalardyń árqaisysyna jeke-jeke toqtalyp, áleýmettik jelidegi paraqshasynda posttar tsiklyn jariialamaq.
