Qazaqstanda 2025 jyly ortasha ómir súrý uzaqtyǵy 75,97 jasqa jetip, táýelsizdik tarıhyndaǵy eń joǵary kórsetkish tirkeldi, dep habarlaıdy Dala News.

Densaýlyq saqtaý mınıstrliginiń derekterine sáıkes,sońǵy jyldary bul kórsetkish aıtarlyqtaı ósken. Máselen, 1991 jyly qazaqstandyqtar orta eseppen 67,6 jyl ómir súrse, 2001 jyly – 65,6, 2011 jyly – 68,98, al 2021 jyly – 70,23 jyl bolǵan. Osylaısha, úsh onjyldyq ishinde ómir súrý uzaqtyǵy 8 jyldan astam ýaqytqa artqan.

Mınıstrlik mundaı ósimdi eń aldymen juqpaly emes aýrýlarmen kúres baǵdarlamalarymen baılanystyrady. Sonyń nátıjesinde Qazaqstan bul aýrýlardan bolatyn ólim-jitimdi 25%-ǵa tómendetip, DDSU-nyń Eýropalyq óńirindegi osyndaı nátıjege qol jetkizgen elderdiń alǵashqy ondyǵyna engen.