قازاقستاندا 2025 جىلى ورتاشا ءومىر ءسۇرۋ ۇزاقتىعى 75،97 جاسقا جەتىپ، تاۋەلسىزدىك تاريحىنداعى ەڭ جوعارى كورسەتكىش تىركەلدى، دەپ حابارلايدى Dala News.
دەنساۋلىق ساقتاۋ مينيسترلىگىنىڭ دەرەكتەرىنە سايكەس،سوڭعى جىلدارى بۇل كورسەتكىش ايتارلىقتاي وسكەن. ماسەلەن، 1991 جىلى قازاقستاندىقتار ورتا ەسەپپەن 67،6 جىل ءومىر سۇرسە، 2001 جىلى – 65،6، 2011 جىلى – 68،98، ال 2021 جىلى – 70،23 جىل بولعان. وسىلايشا، ءۇش ونجىلدىق ىشىندە ءومىر ءسۇرۋ ۇزاقتىعى 8 جىلدان استام ۋاقىتقا ارتقان.
مينيسترلىك مۇنداي ءوسىمدى ەڭ الدىمەن جۇقپالى ەمەس اۋرۋلارمەن كۇرەس باعدارلامالارىمەن بايلانىستىرادى. سونىڭ ناتيجەسىندە قازاقستان بۇل اۋرۋلاردان بولاتىن ءولىم-جىتىمدى 25%-عا تومەندەتىپ، ددسۇ-نىڭ ەۋروپالىق وڭىرىندەگى وسىنداي ناتيجەگە قول جەتكىزگەن ەلدەردىڭ العاشقى وندىعىنا ەنگەن.
