Qazaqstandyq quqyq qorǵaýshylar, advokattar, jýrnalister men azamattyq belsendiler Prezident Qasym-Jomart Toqaevqa Adam quqyqtary jónindegi ýákil Artýr Lastaevty qyzmetinen bosatyp, jańa ombýdsmendi sailaý týraly ashyq úndeý joldady, dep habarlaidy Dalanews.
Úndeý avtorlarynyń pikirinshe, Artýr Lastaevtyń 2023-2026 jyldardaǵy qyzmetiniń nátijesi qanaǵattanarlyqsyz bolǵan jáne Adam quqyqtary jónindegi ýákil institýty Konstitýtsiiada júktelgen mindetterdi tolyq oryndai almaǵan.
Osyǵan bailanysty olar memleket basshasynan Artýr Lastaevty qyzmetinen bosatý rásimin bastaýdy suraǵan.
Sonymen qatar úndeýde jańa Adam quqyqtary jónindegi ýákildi irikteý kezinde quqyq qorǵaý qaýymdastyǵynyń qatysýymen ashyq konsýltatsiialar ótkizýdi usynǵan.
Úndeý avtorlarynyń aitýynsha, bul qyzmetke minsiz bedeli bar jáne adam quqyqtaryn qorǵaý salasynda naqty tájiribesi bar kandidat taǵaiyndalýy tiis.
