24 qarasha 2025 jyldan bastap Qazaqstanda tutynýshylyq kreditteýge qatysty jańa talaptar kúshine endi. Jańalyqtar ásirese tólemi keshiktirilgen azamattarǵa aýyr tiedi: endi jańa nesie alý múmkindigi shektele túsedi.
QJK - qaryz júktemesiniń koeffitsienti, iaǵni qaryz alýshynyń tabysynan nesie tóleýge ketetin úlesi.
Buryn QJK-niń eń joǵary shegi 0,5 (50%) bolatyn. Iaǵni adamnyń ailyq tabysynyń jartysyna deiin nesie tólemine jumsaýǵa ruqsat etiletin.
Endi talap qatańdaidy:
- sońǵy 12 aida 90 kúnnen kóp keshiktirý bolsa,
- QJK shegi 0,25 (25%) bolady.
Mysaly: tabysy 600 000 teńge adam buryn aiyna 300 000 teńgege deiin nesie tólei alsa, jańa erejege sai tek 150 000 teńgege deiin ǵana nesie ala alady.
Jańa shekteýler: kepilsiz tutynýshylyq nesie berý tártibi
Qarjy naryǵyn retteý jáne damytý agenttigi qaýlysyna sáikes, endi kelesi azamattarǵa jańa kepilsiz nesie berilmeidi:
- banktik qaryzdary boiynsha 30 kúnnen kóp merzimi ótkenderge;
- mikroqaryzdar boiynsha 1 kún keshiktirse de.
Sonymen qatar, 2025 jylǵy 1 shildeden bastap sońǵy 36 ai ishinde negizgi qaryzy nemese syiaqysy tolyq keshirilgen azamattarǵa da shekteýler qoiylady.
Sońǵy 12 aida qaryzdy qaita qurylymdaý (restrýktýrizatsiia) júrgizilgenimen, tólem tártibi jaqsarmaǵan bolsa - mundai klientter «táýekel» tobyna jatady.
Sonymen qatar, fiktivti restrýktýrizatsiianyń tórt belgisi anyqtaldy:
- Restrýktýrizatsiiadan keiin 6 ai ishinde qaryzdyń kem degende 5%-y qysqarmaǵan;
- Sońǵy 12 aida eki nemese odan kóp ret restrýktýrizatsiia jasalǵan;
- Syiaqy mólsheri negizgi qaryzdyń 20%-ynan asyp ketken;
- Keshiktirilgen tólemder jańa nesiemen (ishki nesie nemese refinans) ótelgen.
Qandai táýekelder bar?
90 kúnnen asa keshiktirgenderge múldem jańa nesie berilmeýi múmkin.
QJK-niń 0,25-ke deiin qysqarýy - tabysy tómender úshin qoljetimdi nesie somasyn aitarlyqtai azaitady.
Buryn qaryzy keshirilgen azamattar úshin jańa zaim alý qiyndaidy.
Fiktivti qaita qurylymdaýlardy bankter endi ońai qabyldamaidy, demek klientterdi birden «joǵary táýekeldi» dep esepteidi.
Uzaq merzimde qaryz alý múmkindigi shektelip, nesie jalpy halyq úshin az qoljetimdi bolýy yqtimal.
Ne isteý kerek?
Nesie tarihyńyzdy tekserińiz - sońǵy 12 aida 90 kúnnen kóp keshiktirý boldy ma, joq pa?
Tabysyńyzǵa shaq qaryz júktemesin esepteńiz - jańa QJK talaptaryna sai bola alasyz ba?
