Premer-ministr Oljas Bektenov depýtattardyń saýalyna jaýap berip, Qazaqstan sheteldik munai óndirýshi kompaniialarmen jasalǵan kelisimderdi birjaqty qaita qaraýǵa quqyǵy joq ekenin málimdedi, dep habarlaidy Dalanews.kz.
Májilis depýtattary úkimetten ne sebepti el ónimdi bólý týraly kelisimder (ÓBK) men ekologiialyq zańbuzýshylyqtar aiasynda sheteldik munai-gaz kompaniialarynan iri kólemdegi qarajatty óndire almai otyrǵanyn suraǵan. Sondai-aq olar halyqaralyq arbitrajdardyń uzaqqa sozylyp, kei jaǵdaida Qazaqstan úshin tiimsiz aiaqtalatynyna nazar aýdardy. Depýtattardyń aitýynsha, salynǵan aiyppuldardyń da valiýta baǵamynyń ózgerýine bailanysty naqty quny tómendep barady.
Úkimet basshysynyń túsindirýinshe, Qazaqstan aýmaǵynda anyqtalǵan ekologiialyq zańbuzýshylyqtar tek ulttyq zańnama sheńberinde qaralady. Al mundai quqyqbuzýshylyqtar úshin salynatyn ákimshilik aiyppuldar tek teńgemen belgilenedi.
Bektenov aiyppuldardy shetel valiýtasyna aýystyryp esepteý nemese olardy valiýtalyq shyǵyn retinde kórsetý zań júzinde negizsiz ekenin aitty. Sondyqtan mundai tásil tájiribede qoldanylmaidy.
Sonymen qatar 2022 jyly Atyraý oblysynda ekologtar Soltústik Kaspii jobasy aiasynda tekserý júrgizip, birqatar zańbuzýshylyqty anyqtaǵan. Sol kezde salynǵan aiyppuldardyń bir bóligi óndirilgen.
Al Soltústik Kaspii men Qarashyǵanaq jobalaryna qatysty halyqaralyq arbitrajdarǵa kelsek, úkimet bul daýlardyń kommertsiialyq sipatta ekenin atap ótti. Olar memleket pen merdiger kompaniialar arasyndaǵy ÓBK talaptarynan týyndaidy jáne ulttyq sottarda emes, halyqaralyq arbitrajdyq alańdarda qaralady. Mundai protsester, premer-ministrdiń aitýynsha, uzaq ári qomaqty shyǵyndy talap etedi.
Qazir Qazaqstan bul ister boiynsha halyqaralyq keńesshiler men tehnikalyq sarapshylardy tartqan. Olar munai-gaz jobalaryndaǵy operatsiialarǵa jan-jaqty aýdit júrgizip jatyr.
