2026 jylǵy qańtar-naýryz ailarynda Qazaqstanda munai óndirý 19,8%-ǵa azaiyp, 19,7 mln tonnaǵa jetti. Bul týraly Úkimet otyrysynda energetika ministri Erlan Aqkenjenov málimdedi, dep habarlaidy Dalanews.kz.
Energetika ministrliginiń dereginshe, úsh aida munai eksporty 15,3 mln tonnaǵa jetip, ótken jyldyń osy kezeńimen salystyrǵanda 78,5% deńgeiinde qalǵan. 2026 jylǵa arnalǵan eksport boljamy - 76 mln tonna.
Ministr munai-gaz salasyndaǵy ahýaldy KQK jáne Teńizdegi jaǵdaimen bailanystyrdy.
OPEK baǵalaýynsha, Qazaqstan Teńiz ken ornynda óndiris qaita qalpyna kelgennen keiin OPEK+ kelisimi aiasyndaǵy shekteýlerdi saqtai almai otyr.
Uiym málimetine sáikes 2026 jylǵy naýryzda táýliktik munai óndirý kólemi 1,733 mln barrelge jetken. Aqpanda bul kórsetkish 1,482 mln barrel bolǵan. Al belgilengen shek - táýligine 1,569 mln barrel.
Sonymen qatar, Qarashyǵanaqta shiki gazdy keri aidaýǵa arnalǵan altynshy kompressordy iske qosý jumystary jalǵasyp jatyr. Bul jylyna 10-11 mln tonna deńgeiinde munai óndirýdi saqtaýǵa múmkindik beredi.
Sondai-aq, iri jer qoinaýyn paidalanýshylarmen munai óndirýdi arttyrý sharalary boiynsha kelissózder júrgizilip jatyr.
