2026 جىلعى قاڭتار-ناۋرىز ايلارىندا قازاقستاندا مۇناي ءوندىرۋ 19،8%-عا ازايىپ، 19،7 ملن تونناعا جەتتى. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى، دەپ حابارلايدى Dalanews.kz.

ەنەرگەتيكا مينيسترلىگىنىڭ دەرەگىنشە، ءۇش ايدا مۇناي ەكسپورتى 15،3 ملن تونناعا جەتىپ، وتكەن جىلدىڭ وسى كەزەڭىمەن سالىستىرعاندا 78،5% دەڭگەيىندە قالعان. 2026 جىلعا ارنالعان ەكسپورت بولجامى - 76 ملن توننا.

مينيستر مۇناي-گاز سالاسىنداعى احۋالدى كقك جانە تەڭىزدەگى جاعدايمەن بايلانىستىردى.

وپەك باعالاۋىنشا، قازاقستان تەڭىز كەن ورنىندا ءوندىرىس قايتا قالپىنا كەلگەننەن كەيىن وپەك+ كەلىسىمى اياسىنداعى شەكتەۋلەردى ساقتاي الماي وتىر.

ۇيىم مالىمەتىنە سايكەس 2026 جىلعى ناۋرىزدا تاۋلىكتىك مۇناي ءوندىرۋ كولەمى 1،733 ملن باررەلگە جەتكەن. اقپاندا بۇل كورسەتكىش 1،482 ملن باررەل بولعان. ال بەلگىلەنگەن شەك - تاۋلىگىنە 1،569 ملن باررەل.

سونىمەن قاتار، قاراشىعاناقتا شيكى گازدى كەرى ايداۋعا ارنالعان التىنشى كومپرەسسوردى ىسكە قوسۋ جۇمىستارى جالعاسىپ جاتىر. بۇل جىلىنا 10-11 ملن توننا دەڭگەيىندە مۇناي ءوندىرۋدى ساقتاۋعا مۇمكىندىك بەرەدى.

سونداي-اق، ءىرى جەر قويناۋىن پايدالانۋشىلارمەن مۇناي ءوندىرۋدى ارتتىرۋ شارالارى بويىنشا كەلىسسوزدەر جۇرگىزىلىپ جاتىر.