Qazaqstanda muǵalimderge óz oqýshylaryna repetitorlyq jasaýǵa tyiym salynýy múmkin. Bul týraly úkimettegi brifingte Oqý-aǵartý ministri Juldyz Súleimenova málimdedi, dep habarlaidy dalanews.kz.
Ministrdiń aitýynsha, qazir «Bilim týraly» zańǵa tiisti túzetýler ázirlenip jatyr. Jańa norma boiynsha mektep muǵalimderine ózderi sabaq beretin oqýshylarmen qosymsha aqyly repetitorlyqpen ainalysýǵa shekteý qoiylmaq.
Sonymen qatar ózgerister repetitorlyq qyzmet kórsetý naryǵyn tolyq qamtidy. Atap aitqanda, bilim berý ortalyqtarynyń jumysy, olardyń salyq tóleý tártibi, sondai-aq balalar men ata-analar aldyndaǵy jaýapkershiligi zańmen retteledi.
Ministrlik bul bastama bilim berý salasyndaǵy ashyqtyqty kúsheitip, muǵalim men oqýshy arasyndaǵy múddeler qaqtyǵysynyń aldyn alýǵa baǵyttalǵanyn atap ótti.
