Qazaqstanda laýazymdy tulǵalardyń kiristeri men múlkin deklarasıalaý qaǵıdalaryna ózgerister engizetin qaýly jobasy ázirlendi. Qujattaǵy ózgeristerge Memlekettik qyzmet isteri agenttigi bastamashy boldy, dep habarlaıdy Dalanews.kz.
Jobaǵa sáıkes,mynandaı ózgerister usynylady:
- laýazymdy tulǵalar men olardyń jubaılarynyń aktıvteri men mindettemeleri týraly málimetterdiń qaıtalanýyn boldyrmaý;
- deklarasıalardy ózgerister engizilgen jaǵdaıda ǵana jarıalaý.
Qujatty ázirleýge "Sybaılas jemqorlyqqa qarsy is-qımyl týraly" Zańnyń 11-babynyń 9-tarmaǵy negiz boldy.
Joba qoǵamdyq talqy úshin 2025 jylǵy 8 qazanǵa deıin "Ashyq NQA" portalyna ornalastyryldy.
Aıta ketsek, Jalpyǵa birdeı deklarasıalaý sharasy aıasynda jeke tulǵalar úshin deklarasıanyń eki túri qarastyrylady:
- aktıvter men mindettemeler týraly-250.00-nysan (júıege kirgen kezde bir ret tapsyrylady, jınaqtalǵan aktıvterdi tirkeıdi);
- 270.00 nysan — kirister men múlikter týraly (jyl saıyn).
