Saýda jáne integratsiia ministri Arman Shaqqalievtiń málimdeýinshe, elimizde kúnbaǵys maiyna shekti baǵa 2025 jyldyń sońyna deiin belgilenedi. Onyń aitýynsha, bul baǵytta óndirýshilermen belgili bir kelisimge qol jetkizilgen, dep habarlaidy Dalanews.kz.
"Biz bul máselede salalyq qaýymdastyqtarmen jáne Aýyl sharýashylyǵy ministrligimen kelisim jasadyq. Jyl sońyna deiin kúnbaǵys maiynyń baǵasyna belgili bir shek qoiylady. Biraq bul – memlekettik retteý emes. Bul – óndirýshiler tarapynan jasalǵan izgi niet pen ózara kelisimniń nátijesi", – dedi ministr Úkimettegi brifing barysynda.
Sondai-aq ministr 1 tamyzdan bastap tuz óndirýshilerdiń kóterme baǵasyn tómendetý sharalary kúshine engenin aitty.
Alaida sarapshylar kúzde ósimdik maiynyń qymbattaýyn boljaidy. Ótken jyly baǵanyń ósýin mol ónim tejegen bolsa, biyl aýa raiynyń qolaisyzdyǵy men ziiankester kúnbaǵys egisine aitarlyqtai ziian keltirgen. Óndirýshilerdiń aitýynsha, 2024 jyldyń qyrkúieginen beri kúnbaǵys tuqymynyń baǵasy 66%-ǵa ósken. Bul óz kezeginde kúnbaǵys maiynyń da keminde jarty esege qymbattaýyna sebep bolýy múmkin.
