Qazaqstanda kólik nómirin jaqyn týysyna berýge resmi túrde ruqsat etildi. Tiisti ózgerister Ishki ister ministrliginiń buiryǵymen zań kúshine endi. Endi qazaqstandyqtar buryn paidalanylǵan memlekettik nómirdi óz týysynyń atyna qaita rásimdei alady, dep habarlaidy dalanews.kz.
Jańa tártipke sáikes, nómirdi ata-anaǵa, balaǵa, aǵa-inige, ápke-sińlige, ata-ájege, nemerege jáne zańdy jubaiyna berýge bolady. Sonymen qatar kólik muragerlikpen ótken jaǵdaida memlekettik nómirdi muragerdiń atyna qaldyrýǵa ruqsat beriledi.
IIM málimetinshe, mundai rásim buryn qarastyrylmaǵan. Nómirdi qaita rásimdeý úshin burynǵy iesiniń kelisimi, týystyqty nemese muragerlikti rastaityn qujattar qajet bolady. Sondai-aq memlekettik baj tólenedi.
Sonymen birge suranysqa ie VIP-nómirlerdiń tizimi de keńeitildi. Endi joǵary suranystaǵy nómirler qataryna 010, 020, 030, 070, 077, 090, 100, 111, 222, 333, 555, 666, 707, 777, 888, 999 jáne basqa da erekshe kombinatsiialar engizilgen. Budan bólek, birdei áripterden turatyn nómirler men arnaiy kombinatsiialardy tańdaýǵa múmkindik beriledi.
Jańa ózgeristerge sáikes, qazaqstandyqtar «ádemi» nómirlerdi eGov portaly men ózge de tsifrlyq servister arqyly onlain tańdai alady. Buryn mundai qyzmet kóbine HQKO arqyly rásimdelse, endi ótinim tolyq elektrondy formatta qabyldanady.
Taǵy bir mańyzdy ózgeris — kólikti tirkeý kezinde biometriialyq sáikestendirý engiziledi. Endi kólik iesiniń jeke basy memlekettik tsifrlyq júiedegi derekter arqyly tekseriledi. Eger biometriialyq sáikestendirýden ótpese, júrgizýshi kýáligine emtihan tapsyrýǵa da ýaqytsha shekteý qoiylady.
IIM kólik tirkeý merzimderin de qysqartqan. Qujatqa sáikes, eGov arqyly kólikti tirkeý 60 minýtqa deiin, al kólikti tekserý qajet bolǵan jaǵdaida 120 minýtqa deiin júrgiziledi.
Sonymen qatar kólikke qatysty barlyq málimet endi biryńǵai tsifrlyq júiede saqtalady. Oǵan kóliktiń tehnikalyq derekteri, iesi, tirkeý áreketteri, shekteýler men izdeýde turǵany týraly aqparat engiziledi.
Jańa erejede kólikti onlain satyp alý-satý rásimi de naqtylanǵan. Endi burynǵy jáne jańa iesi eGov arqyly bir ótinim aiasynda kólikti esepten shyǵaryp, qaita tirkei alady.
