Qazaqstanda 2026–2027 oqý jylyna 89 457 memlekettik grant bólindi, dep habarlaidy dalanews.kz.
Bul týraly Úkimet otyrysynda Ǵylym jáne joǵary bilim ministri Saiasat Nurbek málimdedi.
Bólingen granttardyń ishinde:
– 75 371 grant – bakalavriatqa;
– 11 007 grant – magistratýraǵa;
– 3 079 grant – doktorantýraǵa arnalǵan.
Ministrdiń aitýynsha, memlekettik tapsyrys kólemi ótken oqý jyldarynyń deńgeiinde saqtalǵan jáne el ekonomikasynyń 2030 jylǵa deiingi kadrlyq qajettiligine sáikestendirilgen.
Granttardyń basym bóligi tehnikalyq jáne óndiristik salalarǵa baǵyttalǵan.
Atap aitqanda:
– injenerlik, óńdeý jáne qurylys baǵyttaryna – 19 250 grant;
– pedagogikalyq ǵylymdarǵa – 13 738;
– IT jáne bailanys tehnologiialaryna – 11 662;
– jaratylystaný ǵylymdary, matematika jáne statistikaǵa – 9 363;
– aýyl sharýashylyǵy jáne bioresýrstarǵa – 3 145;
– densaýlyq saqtaý salasyna – 2 700;
– qyzmet kórsetý salasyna – 2 400;
– óner jáne gýmanitarlyq ǵylymdarǵa – 1 915;
– áleýmettik ǵylymdar, jýrnalistika jáne aqparat baǵytyna – 1 485;
– biznes, basqarý jáne quqyq salasyna – 1 423;
– veterinariiaǵa – 1 275 grant bólingen.
Saiasat Nurbektiń sózinshe, granttardyń 60 paiyzy injenerlik-tehnikalyq, IT jáne agrarlyq mamandyqtarǵa, al 21 paiyzy pedagog kadrlardy daiarlaýǵa berilgen.
Sonymen qatar JOO-lar «Serpin» baǵdarlamasy aiasynda kásibi baǵdar berý jumystaryn jalǵastyryp jatyr. Jobaǵa 13 myńnan astam oqýshy, 2 myńǵa jýyq ata-ana jáne 700-den astam kásibi baǵdar berýshi qatysqan.
