Senator Marat Qojaev palata kýlýarynda Jol qozǵalysy erejesin (JQE) óreskel ári júieli túrde buzatyn júrgizýshilerdi aiyppuldyń jartysyn tóleý múmkindiginen aiyrý jónindegi usynysyna túsinikteme berdi, dep habarlaidy Dalanews.kz.
Qojaev ol bul bastamany ótken jyly-aq kótergenin eske saldy.
«Men bul usynysty ótken jyly aitqanmyn, ol Úkimette qaralyp, qoldaý tapty. Sondyqtan osy baǵytta belgili bir ózgerister bolady dep oilaimyn.
Men bir jyl ishinde 10 retten artyq JQE buzatyn, iaǵni júieli túrde quqyqbuzýshylyq jasaityn adamdardy osy jeńildikten aiyrýdy usyndym. Olar 10-retten keiin - 11, 12 nemese 13-ret quqyqbuzýshylyq jasaǵan jaǵdaida - aiyppuldy tolyq kólemde tóleýi kerek. Bizde zańdar paketpen qabyldanady, sondyqtan ÁQBtK-ge kelesi ózgerister engizilgen kezde men osy túzetýlerdi bastama retinde usynatyn bolamyn», - dedi senator.
