سەناتور مارات قوجاەۆ پالاتا كۋلۋارىندا جول قوزعالىسى ەرەجەسٸن (جقە) ٶرەسكەل ەرٸ جٷيەلٸ تٷردە بۇزاتىن جٷرگٸزۋشٸلەردٸ ايىپپۇلدىڭ جارتىسىن تٶلەۋ مٷمكٸندٸگٸنەن ايىرۋ جٶنٸندەگٸ ۇسىنىسىنا تٷسٸنٸكتەمە بەردٸ, دەپ حابارلايدى Dalanews.kz.
قوجاەۆ ول بۇل باستامانى ٶتكەن جىلى-اق كٶتەرگەنٸن ەسكە سالدى.
«مەن بۇل ۇسىنىستى ٶتكەن جىلى ايتقانمىن, ول ٷكٸمەتتە قارالىپ, قولداۋ تاپتى. سوندىقتان وسى باعىتتا بەلگٸلٸ بٸر ٶزگەرٸستەر بولادى دەپ ويلايمىن.
مەن بٸر جىل ٸشٸندە 10 رەتتەن ارتىق جقە بۇزاتىن, ياعني جٷيەلٸ تٷردە قۇقىقبۇزۋشىلىق جاسايتىن ادامداردى وسى جەڭٸلدٸكتەن ايىرۋدى ۇسىندىم. ولار 10-رەتتەن كەيٸن - 11, 12 نەمەسە 13-رەت قۇقىقبۇزۋشىلىق جاساعان جاعدايدا - ايىپپۇلدى تولىق كٶلەمدە تٶلەۋٸ كەرەك. بٸزدە زاڭدار پاكەتپەن قابىلدانادى, سوندىقتان ەقبتك-گە كەلەسٸ ٶزگەرٸستەر ەنگٸزٸلگەن كەزدە مەن وسى تٷزەتۋلەردٸ باستاما رەتٸندە ۇسىناتىن بولامىن», - دەدٸ سەناتور.
