Qazaqstanda jumys ornyndaǵy seksýaldyq qysymǵa zań júzinde tyiym salý kózdelip otyr. Bul bastama Eńbek jáne halyqty áleýmettik qorǵaý ministrliginiń keńes berý qujatynda kórsetilgen. Qujat «Ashyq NQA» portalynda jariialanyp, 15 mamyrǵa deiin kópshilik talqylaýyna usynylǵan, dep habarlaidy Dalanews.kz.
Ministrlik ókilderiniń aitýynsha, elde eńbek ujymdaryndaǵy ádepsiz áreketterge qarsy naqty quqyqtyq tetikter joq. Áleýmettik zertteýler nátijesi boiynsha, qyzmetkerlerdiń 30 paiyzy jumys barysynda etikaǵa sai emes áreketterge tap bolǵan.
«Seksýaldyq qysym» uǵymyn zańnamalyq deńgeide engizý, sondai-aq mundai jaǵdailarǵa jaýap berý mehanizmderin jasaý usynylyp otyr. Sonymen qatar jumys berýshiniń osyndai quqyqbuzýshylyqtardyń aldyn alý jónindegi mindetteri de zańmen bekitilýi múmkin.
Bastama qyrkúiekte memlekettik organdarǵa joldanyp, jeltoqsanda Úkimetke usynylady. Al 2026 jyldyń qańtarynda Májilis qaraýyna engizý josparlanyp otyr.
Aita keteiik, Qazaqstan eńbek salasyndaǵy zorlyq-zombylyq pen qysymdy joiý týraly halyqaralyq konventsiiany (№190) áli ratifikatsiialaǵan joq. Alaida ministrlik bul baǵytta naqty qadam jasaý qajet ekenin aitady.
