Qazaqstanda 2025 jyly avtojoldardy jóndeý jáne salý boıynsha rekordtyq kórsetkish ornatylǵan, dep habarlaıdy Dalanews.kz.
2025 jyly Qazaqstanda rekordtyq 13 myń shaqyrym avtomobıl joldary qurylys jáne jóndeý jumystarymen qamtyldy. Jol jelisin aýqymdy jańartý elimizdiń kólik ınfraqurylymyn damytýdyń negizgi baǵyttarynyń birine aınaldy.
Nátıjesinde respýblıkalyq joldardyń 94%-y tehnıkalyq normatıvti jaǵdaıda.
İshki shekaradaǵy ótkizý pýnktterin modernızasıalaý jumystary júrgizilýde. 2027 jyldyń sońyna deıin 37 ótkizý pýnktin aıaqtaý josparlanýda.
Jol salasyn sıfrlandyrýǵa erekshe nazarda. Memleket basshysynyń tapsyrmasy boıynsha e-Joldar sheńberinde joldardyń sıfrlyq pasporttary qalyptastyrylýda, olar joldardyń tehnıkalyq jaı-kúıin, qozǵalys qarqyndylyǵyn jáne paıdalaný parametrlerin ortalyqtandyrylǵan túrde esepke alýdy qamtamasyz etedi.
Jyl saıyn jasandy ıntellekt tehnologıalaryn qoldana otyryp jol dıagnostıkasy júrgiziledi.
Jol tósemin saqtaý úshin 220 birlikke deıin avtomattandyrylǵan ólsheý stansıalaryn ornatý jalǵasýda. Qazirgi tańda onyń 71 birligi iske qosylǵan.
